Charter Document - 03790843
| Charter Number: | 03790843 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1137 |
| Date type: | Internal, A.D., Regnal |
| Resource Link(s): |
|
Charter:
Matildis dei gratia regina Anglorum archiepiscopis episcopis abbatibus comitibus baronibus justic[iariis] vicecomitibus et omnibus fidelibus suis totius Anglie salutem Sciatis me dedisse et concessisse in puram et perpetuam elemosinam deo et beate Marie et fratribus militie Templi Salomonis de Jerusalem pro anima patris mei et comitis Eustachii et pro salute anime mee et omnium antecessorum et successorum meorum totum manerium de Cressyng cum ecclesia ejusdem ville et omnibus ecclesie pertinentibus Quare volo et firmiter precipio quod habeant teneant et possideant illud manerium meum predicti fratres bene et in pace libere et quiete ab omnibus secularibus servitiis consuetudinibus et exactionibus in bosco et plano in pratis et in pastura in semitis et in viis in aquis et extra aquas in molendinis et divisis et in omnibus locis et rebus cum soca et saca et tholl et them et infangenetheof et in omnibus consuetudinibus et libertatibus manerio illi adjacentibus Et ut hec mea donatio et concessio firma et inconcussa predictis fratribus militie Templi Salomonis in sempiternum perseveret a deo michi collata potestate illam confirmo et sigilli mei impressione et subscriptorum subnotatione consigno Hiis testibus Joh[an]ne ep[iscopo] Lux[ouiensi] et Oudun[o] Ebroic[ensi] et Joh[an]ne Sagiensi et Rad[ulpho] canc[ellario] meo et Will[elmo] Monacho dapifero et Thub[er]to camerario Ostone de Bolonia Apud Eb[r]oicas anno incarnationis domini millesimo c[entesim]o tricesimo sexto Steph[ani] vero viri mei anno [secundo]