Charter Document - 03790796
| Charter Number: | 03790796 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Agreement |
| Date: | 1153 |
| Date type: | Internal, A.D., Calendar, Regnal |
| Resource Link(s): |
|
Charter:
Hec est conventio inter dominum Henricum ducem Norm[annorum] et venerabilem virum Jocel[inum] Sar[esberiensem] episcopum et ecclesiam Sar[esberiensem] Idem comes teneat castrum de Deuys[is] usque ad triennium ab hoc Pascha Ita tamen quod si infra terminum ius suum recuperaverit tunc per consilium domini Cant[uariensis] archiepiscopi H[enrici] Wynton[iensis] R[oberti] Bathon[iensis] H[ilarii] Cicestr[ensis] episcoporum reddet idem castrum Q[uod] si ius suum infra predictum terminum non recuperaverit tunc per consilium eorum in fine ipsius termini castrum idem restituet Sar[esberiensi] ecclesie et episcopo Et si aliquis istorum episcoporum interim decesserit per consilium suprascriptum restit[uti]o castri fiet cum burgo cum parco et militibus omnibus ad ecclesiam Sar[esberiensem] pertinentibus Et de Petro milite de Lauynton[a] restituendo sequetur consilium eorumdem episcoporum Interim vero de burgo reddet comes quantum burgum solebat reddere R[ogero] Saresberiensi episcopo Et per hoc terminum habebit ecclesia Sar[esberiensis] omnes terras suas quietas a regalibus consuetudinibus omnibus tallagiis operationibus et exactionibus et omnibus rebus salva comiti justitia debita sibi de corporibus hominum sive acceptione pecunie Pro dampnis vero ab ipso comite et hominibus suis Sar[esberiensi] episcopo usque ad hoc tempus illatis infra hoc terminum dabit comes x libr[atas] terre ecclesie Sar[esberiensi] pleno et perpetuo jure possidendas quam citius poterit cum voluntate episcopi et alias x libratas terre dabit eidem ecclesie quam cito ius suum recuperaverit sibi jure possidendas Hanc supradictam conventionem et pacem episcopi et clericorum et hominum suorum de corporibus suis affidavit idem comes in manu domini Cant[uariensis] archiepiscopi Anglorum primatis et apostolice sedis legati sine malo ingenio tenendam et cum eo com[es] Glouc[estrie] W[illelmus] comes Cornub[ie] Reg[inaldus] comes Pat[ri]c[ius] Joh[anne]s mares[callus] Rob[ertu]s de Dunstanuill[a] Will[elmu]s fil[ius] Hamonis Similiter et dominus episcopus Sar[esberiensis] affidavit in manu ejusdem legati quod hanc conventionem sicut carta ipsa testatur quatenus ad eam spectat sine malo ingenio ex sua parte seruabit comiti et hominibus suis Archiepis[copus] vero si quis eorum ab hac conventione resiliret concessit quod eum justitia canonica cohercet Facta est autem hec carta per manum domini Theob[aldi] Cant[uariensis] archiepiscopi Anglorum primatis et apostolice sedis legati firmata in presentia episcoporum H[enrici] Wynt[oniensis] R[oberti] Bath[oniensis] et Hill[arii] Cic[estrensis] anno ab incarnatione domini MCLII indictione XV V Idibus Aprilis ad vad[um] de Stocbrigg[e]