Charter Document - 03790757
| Charter Number: | 03790757 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Order |
| Date: | 1139 - 1145 |
| Date type: | Assigned |
| Resource Link(s): |
|
Charter:
Steph[anus] rex Anglorum archiepiscopis episcopis abbatibus comitibus justic[iis] vicecomitibus baronibus ministris et omnibus fidelibus francis et anglis clericis et laicis totius Anglie salutem Sciant omnes tam presentes quam futuri quoniam ego pro salute regis Willelmi avi mei et avunculorum meorum regum Willelmi et Henrici et patris et matris mee et parentum meorum necnon pro remissione peccatorum meorum et Matildis regine uxoris mee et fratrum et puerorum meorum quietam clamavi in sempiternum deo et Sancto Eadmundo et ecclesie sue et abbati et monachis ibidem deo servientibus wardam xl militum quam facere solebant [ad] castellum meum de Norwico per iiii terminos in anno per decenos milites singulis terminis residentes et preterea quicquam ecclesia prefata vigilibus predicti castelli dare solebat per annum pro warda ejusdem castelli Et ita quod hanc eandem wardam facient apud Sanctum Eadmundum ad eosdem terminos sicut faciebant apud Norwic[um] Hanc itaque quietationem meam et libertatem ecclesie datam et a me super altare ante corpus Beati Eadmundi oblatam illi ecclesie in sempiternum sine omni retractione optinendam regia auctoritate confirmo et presentis sigilli mei impressione et subscriptorum baronum attestatione munio atque corroboro et ne ab aliquibus in posterum temera presumptione tantum taleque bonum minuendum sive aliquo modo infestandum attemptetur omnino prohibeo et a deo michi collata potestate interdico Testibus M[atilde] regina et comite Alano Brit[annie] et W[illelmo] comite War[ennie] et Will[elm]o comite Lin[colnie] []