Charter Document - 03790703
| Charter Number: | 03790703 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1144 - 1147 |
| Date type: | Assigned |
| Resource Link(s): |
|
Charter:
M[athildis] imperatrix H[enrici] regis filia et Anglorum domina archiepiscopis episcopis abbatibus comitibus baronibus justiciariis vicecomitibus prepositis ministris et omnibus fidelibus suis francis et anglis totius Anglie salutem Sciatis me pro anima H[enrici] regis patris mei et M[athildis] regine matris mee et antecessorum meorum in perpetuam elemosinam et pro amore et legali servitio Bri[entii] filii comitis quod mihi fecit dedisse et concessisse deo et Sancte Marie et monachis Rading[arum] Bleberiam ita bene et in pace et libere et quiete et honorifice et plenarie tenendam cum soca et saca et toll et team et infangenethef et cum omnibus aliis consuetudinibus et libertatibus sicut H[enricus] rex pater meus eam melius et liberius et quietius et plenarius habuit et tenuit Testibus Rob[erto] comite Gloec[estrie] et Regin[aldo] comite Cornubie et Rog[er]o comite Heref[ordie] et Unfrid[o] de Buh[un] dapifero et Will[elm]o filio Alani et Josco de Dinan et Walkelino Maminot et Will[elm]o Paganell[o] et Will[elm]o filio Hamon[is] Hugon[e] filio Ricard[i] et Riulf[o] de Sessun Apud Divis[as]