Charter Document - 03790681
| Charter Number: | 03790681 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1137 |
| Date type: | Assigned |
| Resource Link(s): |
British Library - Add MS 89169 (f18v) |
Charter:
Stephanus rex Angl[orum] episcopo Lincolniensi et justicie et vicecomiti et baronibus [suis] Legecestr[e]schir[e] salutem Sciatis me dedisse et concessisse in perpetuam elemosinam deo et ecclesie Sancte Marie de Rading[is] pro anima regis H[enrici] avunculi mei et predecessorum meorum et pro salute mea et uxoris mee et filiorum et fratrum meorum et pro statu et incolumitate regni mei terram de Wigestana quam Willelmus elemosinarius meus tenuit qui ejusdem ecclesie monachus effectus est Quare volo et precipio quod predicta ecclesia teneat terram illam bene et in pace et libere in pratis et pasturis in aqua et extra in molendino et omnibus rebus cum socco et sacca et toll et theam et infangenetheof et cum omnibus libertatibus et quietantiis cum quibus liberius tenent alias terras suas Hoc donum et concessum meum laudo et firmo et ut in sempiternum integre perseveret sigilli mei impressione et subscriptorum subnotatione corroboro Testibus Rogero episcopo Sarisberiensi Ricardo episcopo Baiocensi et multis aliis Apud Westmonasterium anno incarnationis dominice MCXXXVII