Charter Document - 03790666
| Charter Number: | 03790666 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1149 |
| Date type: | Assigned |
| Resource Link(s): |
|
Charter:
Henricus ducis Normannorum et Andegavorum filius archiepiscopis episcopis comitibus baronibus vicecomitibus justiciis et omnibus fidelibus francis et anglis salutem Sciatis me dedisse et concessisse deo et Sancte Marie de Quadraria in insula de Wich in perpetuam elemosinam Locwellam ad faciendam ibidem capitalem abbatiam pro salute et incolumitate domini Gaufridi Normannie ducis et Andegavie comitis necnon pro salute domine imperatricis matris mee et mea et pro statu regni Anglorum et pro animabus Henrici regis avi mel et M[athildis] regine omniumque predecessorum meorum defunctorum Et ideo volo et firmiter precipio quod prememorate abbatie monachi predictum locum habeant libere et quiete et honorifice et plenarie cum omnibus illis libertatibus et consuetudinibus quas domina imperatrix mater mea et ego dedimus et concessimus domino Drogoni domine matris mee camerario sicut nos donum illud eidem Drogoni cartis nostris quas predicti monachi habent testamur et confirmamus Testibus Roberto decano Saresberie magistro Matheo Gregorio dap[ifero] Humfrido de Bohun Huberto de Vallibus Humfrido filio Odonis constabularii Willelmo filio Hamonis Riolfo de Sessuns Petro Boterello Apud Divisas