Charter Document - 03790665
| Charter Number: | 03790665 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Record |
| Date: | 1149 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
In nomine Sancte et Individue Trinitatis Notum sit presentibus et futuris concordiam quandam factam esse inter Reginaldum abbatem Pratelli et Eingerannum de Waiscuil qui discordes longo tempore fuerant ad invicem propter rectitudines et consuetudines Pratellensis ecclesie quas predictus Eingerannus usurpando violenter eidem ecclesie auferebat Quapropter iussu G[aufridi] Norman[norum] ducis et Andegau[orum] consulis illis residentibus in curia Rothom[agi] coram judicibus et baillivis et dapifero assensu procerum et consilio utriusque partis predicte controversie talis compositio consulta est fieri In primis scilicet Eingeranni homines quos ecclesia Prateliensis habet apud Wascuil clamat quietos et absolutos de furnagio fenestragio theloneo et penitus omni exactione et consuetudine excepto si aliquid vendiderint vel emerint vel aliquam in terra ejusdem Engeranni negotiationem fecerint unde consuetudo dari debeat illam tantummodo dabunt Nemora autem ejusdem ecclesie clamat quieta Quare abbas Reinaldus ei concessit custodienda tali conditione quod si abscisa vel vastata fuerint Engerannus in curia abbatis emendabit vel inueniet qui pro se judicium subeat Si vero predicti homines Pratellensis ecclesie in nemora ipsius Engeranni ire voluerint consuetudinem dabunt sin autem quieti erunt Insuper terram quandam super quam domum edificaverat eidem ecclesie reddit quietam et aquam que fluit juxta terram ejusdem ecclesie clamat quietam ad piscandum abbati et monachis Pro decima molendinorum suorum quam eidem ecclesie caritative jamdudum dederat iii modios bladi concedit in eisdem molendinis Decimam autem campartorum suorum de Valle de Waiscuil concedit Testibus Reinaldo de Sancto Walerico qui dapifer Normannie erat Gaufrido Bertran Roberto filio Hamel[ini] Baldrico filio Gisleberti Godardo de Valle Johanne de Lunda Radulfo filio Urselini Stephano filio Radulfi Ex parte abbatis Willelmo monacho Tafur Ricardo de Tregeuilla Raduifo de Alneto Radulfo de Hispania Ex parte autem Engeranni Osberto de Cailli et filio eius Waltero de Waiscuil Acta Rothomago anno MCXLIX ab Incarnatione Domini