Charter Document - 03790647
| Charter Number: | 03790647 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1141 |
| Date type: | Assigned |
| Resource Link(s): |
|
Charter:
M[atildis] imperatrix Henrici regis filia et Anglorum domina R[oberto] de Oilli et vicecomiti et prepositis et Henr[ico] de Sancto Petro et omnibus civibus de Oxeneford[ia] salutem Sciatis me dedisse et concessisse pro salute anime mee et pro anima regis Henrici patris mei in perpetuam elemosinam deo et ecclesie Sancte Fritheswithe Oxeneford[ie] et canonicis regularibus imperpetuum ibidem deo servientibus communiam ad omnia pecora et averia sua in manerio de Hedinton ita scilicet ut pascant omnia pecora et averia libere et quiete in omnibus locis per totum manerium de Hedindon ubi dominica ejusdem manerii pecora et averia sua pascuntur tam infra forestam de Stawode et Schothore quam extra et liberum introitum et exitum cum eis ad voluntatem ipsorum canonicorum sine impedimento et contradictione aliqua imperpetuum Concessi etiam et confirmavi predictis canonicis in liberam et perpetuam elemosinam totam illam terram quam Alanus Rosmongere tenuit in parochia Beate Marie Magdalene et omnes alias terras quas predicti canonici habent infra hundredum extra portam borialem Oxeneford[ie] reddendo annuatim redditum de eisdem debit[um] pro omni exactione et servitio seculari imperpetuum Testibus R[oberto] episcopo London[iensi] et W[illelmo] canc[ellario] Apud Oxenaford[iam]