Charter Document - 03790629
| Charter Number: | 03790629 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1141 |
| Date type: | Assigned |
| Resource Link(s): |
|
Charter:
M[atillidis] imperatrix H[enrici] regis filia et Anglorum domina archiepiscopis episcopis abbatibus comitibus baronibus justiciariis vicecomitibus ministris et omnibus fidelibus suis francis et anglis totius Anglie salutem Sciatis me dedisse et concessisse in perpetuam elemosinam deo et sancte Marie de Oseneia et canonicis ibidem deo servientibus pro statu et stabilitate regni Anglie et sanitate et incolumitate domini mei comitis Andegavie et liberorum meorum ac mea et pro anima regis Henrici patris mei et regine Matill[idis] matris mee et antecessorum nostrorum et pro salute anime mee et remissione peccatorum meorum gurgitem qui vocatur Aldewere liberum et quietum qui solebat reddere per annum ad firmam meam Oxenefordie iiii solidos et infra burgum Oxenefordie quinque solidos et quinque denarios et obolum et quadrantem quos reddere solebant de langabulo per annum de terra illa que dicitur Octouirgate regis cum burgabulo et omnibus aliis rebus et consuetudinibus ad eam pertinentibus et insulam de Langeneia cum omnibus ad eam pertinentibus quam Gaufridus camerarius de Glintona coram me eis in elemosinam concessit et quietam clamavit et unam hidam terre de Stantona que iacet apud Haneberge juxta pontem de Bladene sicut regina Adelidis illam eis pro anima Henrici regis patris mei dedit et carta sua confirmavit Quare volo et firmiter precipio quod prefata ecclesia et canonici predictas tenaturas teneant bene et in pace et honorifice et libere et quiete cum socha et saca et tol et theam et et infangenethef et omnibus aliis consuetudinibus et libertatibus quas habuerunt dum erant in dominio regis Testibus D[avid] rege Scottorum et Nigell[o] episcopo Ely Bernardo episcopo Sancti David Rob[erto] comite Glouec[estrie] Rob[erto] de Olleio Walt[ero] archidiacono Alexander de Buhun Apud Oxneford[iam]