Charter Document - 03790595
| Charter Number: | 03790595 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1144 - 1150 |
| Date type: | Assigned |
| Resource Link(s): |
|
Charter:
Ego Goffr[edus] dux Norm[annorum] et comes And[egavorum] relatione multorum cognoscens audiendo et audiens cognoscendo quoniam H[enricus] rex predecessor meus abbatiam Montisburgi Sancte Marie tanquam propriam capellam nimio dilexit amore diligendo custodivit augmentavit nobilitavit simil[iter] abbatiam eamdem in mea custodia et in tuitione capio et quicquid ille contulit vel concessit in bosco et in plano et in omnibus consuetudinibus et in omnibus modis unde habent monachi cartas et brevia prefate abbatie diligenter annuo Insuper illi addo do et concedo in perpetuam elemosinam perpetuo jure habendam pro salute mea et filiorum meorum necnon et predicti regis omniumque predecessorum meorum illam terram que est in suo aisimento inter suam terram et forestam usque ad rivulum sicut oritur et descendit de veteri fonte ad ipsum rivulum cum alueo Concedo ita ut rivulus fosseat[us] sit firma divisa inter eos et forestam cum constet quia redditus nichil inde foreste minuitur sed melius clauditur munitur atque defenditur T[estibus] Thoma cancellario Alex[andro] de Boh[un] Ric[ardo] de Haia Ri[cardo] de Wauuill[a] W[illelmo] Avenel Oliuier de Albiniaco Gisleberto archid[iacono] Rob[erto] de Valoniis Rob[erto] Bordel Unfr[ido] de Boseuill[a] et multis aliis Apud Argent[omum]