Charter Document - 03790592

Stephanus rex Angl[orum] episcopo Bath[oniensi] et episcopo Exon[iensi] et omnibus justic[iis] baronibus vicecomitibus et ministris et prepositis de Sumerseta et de Devenescira et de Dorseta et de Cornwalia et de Hantescir[a] et omnibus fidelibus suis francis et anglicis totius Anglie et Normannie salutem Sciatis me pro salute Willelmi regis avi mei et avunculorum meorum Willelmi regis secundi et Henrici regis et Matildis regine et aliorum antecessorum meorum et pro salute et incolumitate mei ipsius et statu regni mei concessisse et in perpetuam elemosinam confirmasse deo et ecclesie Sancti Petri de Monte Acuto et monachis ibidem deo servientibus omnes donationes quas Henricus rex et Willelmus comes Moritoni et homines ejusdem comitis et ceteri barones Anglie et Normannie fecerunt predicte ecclesie Quare volo et firmiter precipio quod predicta ecclesia et monachi qui ibidem deo deserviunt habeant et inperpetuum teneant omnia maneria sua et omnes mansiones suas terras et redditus et ecclesias et decimas et homines et res et possessiones suas ubicumque sint in bene et in pace libere et honorifice plene et integre quiet[a] de sciris et hundred[is] geldis et scott[is] placitis et omnibus querelis de scutag[iis] et hidag[iis] et danegeld[is] et assisis et latrociniis et murdr[is] et de turn[is] vicecomitis et de communi misericordia comitatus et hundred[orum] et de opere castellorum et pontium et parcorum de summagio et collectis de werpeni de averpeni de hundredpeni et de thethingpeni et werstef et de forfeng et de omnibus que contingent facienda per Angliam Et habeant ferias suas de Tintenhulle et Hamedon[a] liberas per tresdecim dies duraturas et socam et sacam tholl et thiem et infangentheof et hundred[um] de Monte Acuto et mercatum cum theloneo et hundred[um] de Tintenella et hundred[um] de Hunesb[er]ga cum omnibus appendiciis suis et hundred[um] de Crich cum omnibus appendiciis suis et hundred[a] de Legha et Friseham in Devenescir[a] cum omnibus appendiciis suis adeo libera sicut ego habeo mea hundreda in omnibus placitis assisis et querelis et sicut umquam melius et liberius et honorabilius et plenius eadem hundreda habuit et tenuit Willelmus comes Moritonii Et habeant omnes alias libertates et liberas ubicunque consuetudines suas et quietancias suas in bosco et in plano in pratis et in pascuis in viis et semitis in feriis et mercatis in aquis et molendinis in stagnis et vivariis et in piscariis infra burgum et extra et in omnibus locis et in omnibus rebus Hec omnia supradicta concessi et in perpetuam elemosinam confirmavi predicte ecclesie Sancti Petri de Monte Acuto et monachis ibidem servientibus Et ut eorum donatio et mea concessio rata et inconcussa inperpetuum permaneat regali auctoritate precipio et hanc conscriptionem inde factam sigilli mei appositione confirmo et signo sancte crucis manu propria consigno quia predicta ecclesia Sancti Petri de Monte Acuto et monachi qui ibidem deo deserviunt et maneria sua et terre sue et homines sui et res et mansiones et possessiones sue ubicumque sint et omnia que sua sunt in mea propria manu et custodia et protectione consistunt sicut propria elemosina regis Henrici et sicut proprium dominicum ipsius atque meum T[estibus] H[enrico] ep[iscop]o Winton[iensi] et Rog[er]o ep[iscop]o Sar[esberiensi] Rob[ert]o de Ver R[ogero] canc[ellario] et Milon[e] de Gloec[estria] et Pagano filio John[an]is et Hugon[e] Bigot Apud Exon[iam]