Charter Document - 03790585
| Charter Number: | 03790585 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1136 |
| Date type: | Assigned |
| Resource Link(s): |
|
Charter:
Stephanus rex Angl[orum] archiepiscopo Cantuarie et episcopis et abbatibus comitibus justic[iis] et baronibus et omnibus fidelibus suis Anglie salutem Sciatis quia consilio et assensu Willelmi Cantuar[iensis] archiepiscopi et Sancte Romane Ecclesie legati et Alex[andri] Linc[olniensis] episcopi fundata est quedam abbatia in diocesi episcopi Linc[olniensis] pretaxati in territorio Messenden in feodo Willelmi Messend[en] et ibi abbas institutus eo ordinatus est et regulares sub eo canonici degentes secundum consuetudinem matris sue ecclesie de Nemore de pago Teresino unde ipsi exeuntes huc venerunt Omnes itaque illius abbatie possessiones quas predictus Willelmus ei dedit in terris et pratis et nemore et in consuet[udinibus] universis ita ego illi concedo et regia auctoritate illi ecclesie in perpetuum optinendas confirmo et inconcussas manere statuo sicut idem Willelmus ei dedit et concessit et carta sua confirmavit et sicut episcopus Linc[olniensis] hec carte sue attestatione corroboravit Suscipio etiam et retineo in protectione et tutela mea hanc de qua loquimur abbatiam et omnes ipsius possessiones et firmiter precipio ut terre eius [] que ad eam pertinent eandem habeant libertatem et quietationem quam habent cetere abbatie regni mei que libere sunt et quiete tamquam elemosine mee Testibus Alex[andro] ep[iscop]o Linc[olniensi] et Ric[ardo] canc[ellario] et Rob[er]to de Oilli et Rob[er]to filio Walteri Apud Dunestapele