Charter Document - 03790583

S[tephanus] rex Angl[orum] archiepiscopis episcopis abbatibus justiciar[iis] comitibus vicecomitibus baronibus et omnibus ministris et fidelibus suis francis et anglis totius Anglie salutem Sciatis me concessisse et confirmasse in perpetuam elemosinam pro anima regis H[enrici] avunculi mei et aliorum antecessorum meorum regum Anglie et pro salute mea et pro anima M[atildis] regine uxoris mee et E[ustachii] filii mei donationem illam quam W[illelmus] com[es] Albemarlie fecit deo et ecclesie Sancte Marie et monachis de Melsa scilicet villam Melse et boscum de Ruda et totam Wagna[m] scilicet tam partem illam que est de patrimonio suo quam illam partem quam tenet de archiepiscopo et passagium et ecclesiam predicte ville et hanc predictam terram videlicet xii carucatas terre ii scilicet in Mels[a] et x alias in Wagna clamo quietas et liberas de danegeld et de murdro et de omnibus geldis et de omnibus secularibus negotiis et servitiis et exactionibus Concedo etiam et confirmo donationes baronum meorum scilicet W[illelmi] Fossard et Rad[ulfi] filii Wymu[n]di hominis ipsius et W[illelmi] de P[er]cy et W[illelmi] de Rumar et uxoris eius Agnetis de Albemarle et Gaufridi Dagun hominis ipsius et omnes alias donationes baronum Eboracensisscire et hominum eorum quas vel dederunt rationabiliter vel daturi sunt Quare volo et precipio quatenus ecclesia prefata et monachi teneant et habeant omnes terras et tenuras illas bene et in pace et libere et quiete et honorifice in bosco et plano in pratis et pasturis et aquis et stagnis et viis et semitis et omnibus locis cum soca et saco et tol et theam et infangenetheof et cum omnibus aliis libertatibus et quietantiis cum quibus ecclesia Beati Petri Ebor[acensis] tenet et habet T[estibus] Henrico de Essexa Ric[ard]o de Luci Ric[ard]o de Canvilla Warnero de Lusoris Hug[one] de Essartis Apud Donestaplam