Charter Document - 03790550
| Charter Number: | 03790550 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1143 - 1147 |
| Date type: | Assigned |
| Resource Link(s): |
|
Charter:
Mathildis Anglorum regina Ricardo de Luci et vicecomiti et baronibus de Essexa et omnibus tenentibus de honore comitis Eustacii Bolonie salutem Sciatis quod Ricardus filius Huberti armigeri recognovit in audientia regis Stephani et mea rectum ecclesie Sancti Martini London[iensis] de terra de Maisseberia scilicet dimidia hida terre quam Gislebertus tenuit de qua idem Ricardus et canonici placitari debebant in curia regis et ita quod idem Ricardus quietam illam reddidit regi Stephano et michi ad opus ipsius ecclesie Et nos illam reddidimus ecclesie Sancti Martini et canonicis per manum Henrici Wyntoniensis episcopi et decani ipsius ecclesie solutam et quietam cum soca et saca et toll et theam et infangenetheof et consuetudinibus et libertatibus aliis cum quibus barones et vavassores predicti honoris comitis Eustacii melius et liberius tenent Et teneant in capite de rege et de me et de heredibus nostris per servitium quarte partis unius militis quod retinemus quamdiu nobis placuerit Testibus Henr[ico] Wynton[iensi] episcopo et Will[elm]o de Ipra et Ric[ardo] de Luci et Will[elm]o Martello et Rob[erto] de Ver et Rob[erto] de Saicheuilla Apud Bermundeseiam