Charter Document - 03790541
| Charter Number: | 03790541 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1145 - 1147 |
| Date type: | Assigned |
| Resource Link(s): |
|
Charter:
Matildis dei gratia Anglorum regina Theobaldo Cantuariensi archiepiscopo et primati totius Anglie et R[oberto] episcopo Londoniensi et omnibus fidelibus sancte ecclesie per Essexam constitutis et omnibus hominibus et tenentibus suis de honore comitis Eustacii patris sui salutem Sciatis me dedisse et concessisse ecclesie Sancti Martini Londoniensi et canonicis ibidem deo servientibus imperpetuam elemosinam nostram ecclesiam manerii mei de Witham hoc est ecclesiam Sancti Nicholai cum ecclesia de Cressinges ei pertinente et capellis et decimis ac omnibus ei pertinentibus tam terris quam aliis rebus ad constituendam decimam prebendam et decimum canonicum in eadem ecclesia Sancti Martini pro salute domini mei regis Stephani et mea et incolumitate liberorum nostrorum et pro requie animarum utriusque parentis nostri et parentum et amicorum nostrorum defunctorum Volo itaque et precipio quod canonici predicti bene et in pace et honorifice et libere et quiete teneant sicut melius et quietius et honorabilius tenent alias ecclesias suas et teneduras suas quas constat fore de jure meo et predecessorum meorum Testibus Henr[ico] Wint[oniensi] episcopo et Thoma capellano et Bald[uino] de Bolonia et Eustac[io] fratre eius et Petr[o] capellano et Will[elm]o de Ipra et Will[elmo] Martello et Ric[ard]o de Luci et Hub[er]to camerario Apud London[iam]