Charter Document - 03790512
| Charter Number: | 03790512 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1147 - 1148 |
| Date type: | Assigned |
| Resource Link(s): |
|
Charter:
M[atildis] dei gratia Anglorum regina episcopo Lond[oniensi] justic[ie] vic[ecomiti] baronibus ministris et omnibus fidelibus suis francis et anglis de Hertfordscir[a] salutem Sciatis me concessisse donum regis Stephani et confirmasse quod fecit ecclesie Christi Lond[onie] et Rad[ulfo] priori et canonicis in ea deo servientibus de c solidatis terre in manerio de Bracching[e] in perpetuam elemosinam pro requie animarum scilicet Baldewi[ni] filii mei et Matild[is] filie mee qui in eadem ecclesia sepulti requiescunt Preterea confirmo et concedo eidem ecclesie et predictis canonicis vi libratas terre in eodem manerio de Bracching[e] pro escambio molendini sui et illius partis terre sue quam concesserunt mihi juxta turrim Lond[onie] ubi feci hospitale pauperum Illas videlicet vi libratas terre illis concessi quas rex retinuerat in dominio suo postquam partitus fuit ceteras partes illius manerii hoc est partem illam in qua fundata est ecclesia et ad quam etiam forum pertinet Quare volo et firmiter precipio quod prior prefate ecclesie et canonici hanc predictam terram teneant et imperpetuum possideant bene et in pace et libere et honorifice et quiete ab omni seculari exactione sicut elemosinam regis et meam Testibus Teobaldo archiepiscopo Cant[uariensi] et Rob[er]to episcopo Lond[oniensi] et Roberto episcopo He[re]f[ordensi] et Roberto episcopo Exon[iensi] Ilario episcopo Cicestr[ensi] et Willelmo episcopo Norwic[ensi] Comite Eustachio filio regis Willelmo de Ypra Roberto de Ver Willelmo Mart[el] Henrico de Essexa Ric[ardo] de Luci Warn[er]io de Luisor Apud Lond[oniam]