Charter Document - 03790511

Stephanus rex Angl[orum] episcopo Lond[oniensi] justic[ie] vic[ecomiti] baronibus ministris et omnibus fidelibus suis francis et anglis de Hertfordschire salutem Sciatis me dedisse et concessisse ecclesie Sancte Trinitatis Lond[onie] et canonicis ibidem deo servientibus c solidatas terre in manerio meo de Brackyng in perpetuam elemosinam pro requie animarum scilicet Bald[wini] filii mei et Matildis filie mee qui in eadem ecclesia sepulti requiescunt Preterea concessi et dedi eidem ecclesie et canonicis vi libratas terre in eodem manerio de Brack[yng] pro escambio molendini sui et illius partis terre sue quam concesserunt Matildi regine uxori mee juxta turrim Lond[onie] ubi ipsa fecit hospitale pauperum Illas dico vi libratas terre illis concessi quas retinueram in dominio meo postquam partitus fui ceteras partes illius manerii hoc est partem illam in qua fundata est ecclesia et ad quam etiam forum pertinet Quare volo et firmiter precipio quod ecclesia predicta et canonici hanc predictam terram teneant et imperpetuum possideant bene et in pace et libere et honorifice et quiete ab omni seculari exactione sicut elemosinam meam dominicam cum saca et soca et toll et theam et infangenetheof et cum omnibus aliis liberis consuetudinibus suis cum quibus tenent alias possessiones suas Testibus Teobald[o] archiepiscopo Cant[uariensi] Rob[er]to episcopo Lond[oniensi] Rob[er]to episcopo Hereford[ensi] Rob[er]to episcopo Exon[iensi] Illar[io] episcopo Cicestr[ensi] et Will[elm]o episcopo Norwic[ensi] et M[atilde] regina et Comite E[ustachio] filio meo et Will[elmo] de Ypra et Rob[er]to de Ver et Willelmo Mart[el] et Henr[ico] de Essex[a] et Ricardo de Luci et Warnerio de Luser[is] Apud Lond[oniam]