Charter Document - 03790427
| Charter Number: | 03790427 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1148 - 1153 |
| Date type: | Assigned |
| Resource Link(s): |
|
Charter:
S[tephanus] rex Angl[orum] archiepiscopis episcopis abbatibus justic[iis] comitibus vicecom[itibus] baronibus et ministris et omnibus fidelibus suis francis et anglis totius Anglie salutem Sciatis me concessisse et confirmasse in perpetuam elemosinam deo et ecclesie Sancte Marie de Kirkested et monachis in ea deo servientibus pro anima regis Henrici avunculi mei et aliorum antecessorum meorum et pro salute mea et M[athildis] regine uxoris mee et Eustachii filii mei et aliorum puerorum meorum donationes quas eis fecit Hugo filius Eudonis in terris vel in aquis cum terra ubi abbatia de Kirkested[a] fundata est et donationem Rob[erti] de Arecy et heredum suorum de terra de Aneharda sicut eis confirmata est per cartam suam in elemosinam coram Rob[erto] episcopo Lincolniensi et capitulo Et preterea concedo eis in elemosinam omnes terras et tenuras quecumque eis rationabiliter date sunt et adhuc dabuntur Quare volo et firmiter precipio quod ecclesia prefata et monachi teneant hec omnia predicta in bosco et plano in pratis et pasturis in aquis et mariscis et molendinis in viis et semitis in ber[car]iis et omnibus aliis locis cum saca et soca et tol et theam et infange[n]ðef bene et in pace libere et quiete de schiris et hundredis et wap[entacis] et omnibus placitis et querelis et omnibus geldis et auxiliis et omni seculari servitio T[estibus] Sym[one] com[ite] Ric[ardo] de Luci Ric[ardo] de Camuille Will[elmo] de Cheni Ric[ardo] fil[io] Ursi Rob[erto] de Ver Ap[ud] Lund[oniam]