Charter Document - 03790418

Stephanus rex Angl[orum] archiepiscopis episcopis abbatibus comitibus baronibus justiciis ministris vicecomitibus et omnibus fidelibus suis francis et anglis et clericis et laicis totius Anglie salutem Sciatis me concessisse in elemosinam deo et ecclesie Sancte Marie de Chenildworda et canonicis ibidem deo servientibus omnes ecclesias et terras et decimas et elemosinas quas Gaufridus de Glint[ona] eis dedit et adquisiuit qui eandem ecclesiam fundavit sicut rex Henricus eis illas concessit et carta sua confirmavit videlicet totam terram ipsius Chening[wrda] in nemore et plano quam idem Gaufridus liberavit Bernardo priori ad opus ejusdem ecclesie preter illam dumtaxat terram in qua castellum eius situm est et quam retinuit in suo dominio ad burgum suum faciendum et ad vivarium suum et ad parcum suum Preterea concedo eidem ecclesie manerium Salford cum omnibus suis pertinentiis quod fuit Livithe monialis solutum et quietum ab omni servitio seculari sicut carta regis Henrici testatur Concedo etiam manerium Stelicota quod Nichol[as] de Staford[ia] et Robertus filius eius eidem ecclesie concesserunt liberum et quietum ab omni exactione et servitio seculari et duo prata in Tiesho scilicet Tachesmore et Sester de quibus idem Nichol[as] de Staford[ia] Gaufrido de Glint[ona] concessione regis Henr[ici] unu[m] vendidit et aliud dedit Ad hec concedo eidem ecclesie manerium Niweham quod Hugo filius Ricardi prefate ecclesie in elemosinam concessit quietum et solutum ab omni seculari servitio Et in Lilentona dimidiam hidam terre que fuit Fulcoldi ex dono ejusdem Hugonis simili libertate concedo Preter hec concedo supradicte ecclesie manerium Pachintona de feodo Siwardi d[e] Mdena quod Gaufridus de Glint[ona] iunior canonicis ejusdem ecclesie concessit pro fratre suo Roberto q[ue]m in canonicum receperunt quietum et liberum ab omni servitio et filii ejusdem Siwardi post mortem patris sui eidem ecclesie ipsum manerium concesserunt cum omnibus suis pertinentiis Insuper concedo prefate ecclesie in Chintona manerio meo terram que fuit Milonis filii Willelmi vicecomitis solutam et quietam ab omni servitio et exactione seculari sicut idem Milo cartam Henrici regis et meam inde habet et in eodem manerio dimidiam hidam terre que fuit Turgisi eadem libertate concedo Preterea concedo supramemorate ecclesie ecclesiam de Wottona cum terris et decimis et cerchez et consuetudinibus et omnibus rebus ecclesie pertinentibus scilicet in Wottona i hidam terre et ii hidas in Lilentona Et ecclesiam de Chintona de meo dominio cum terris et decimis et cerchez et omnibus rebus que ad eandem ecclesiam pertinent Ecclesiam quoque de Stanleia de meo dominio cum terris et decimis et cerchez et omnibus que ad eam pertinent et ecclesiam de Budiford de meo dominio quam Bern[ardus] prior tempore regis Henrici disrationavit fuisse de parrochia sua de Salford Similiter concedo ecclesiam de Glintona et ecclesiam de Wilmelestona cum omnibus suis pertinentiis ex dono Gaufridi de Glint[ona] iunioris Insuper concedo ecclesiam de Brailis et ecclesiam de Walesborna cum terris et decimis et omnibus que ad eas pertinent ex dono Rog[eri] com[itis] de Warw[ic] ecclesiam quoque de Cuntona ex concessione Rad[ulfi] pincerne de Legrecestr[ia] et ecclesiam de Bertona in Norhantesire ex dono et concessione Will[elm]i de Fornell[is] Has itaque predictas ecclesias et terras et decimas et omnes res suas volo et firmiter precipio quod bene et in pace et honorifice et libere et quiete canonici Sancte Marie de Cheningewrd[a] teneant cum soca et saca et toll et theam et infangeneth[eof] et cum omnibus libertatibus et quietationibus in bosco et plano et pratis et pasturis et in terris et aquis et in omnibus locis sicut aliqua ecclesia totius regni mei de elemosina mea melius et quietius tenet T[estibus] Rob[er]to de Curci et Albr[ico] de Ver et Rob[erto] filio Walt[eri] et Adam de Belneio et Joh[ann]e Mar[escallo] et Will[elmo] de Glint[ona] Apud Notingeham