Charter Document - 03790399
| Charter Number: | 03790399 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1140 |
| Date type: | Assigned |
| Resource Link(s): |
|
Charter:
Stephanus rex Anglorum archiepiscopis episcopis abbatibus comitibus baronibus justiciariis vicecomitibus et omnibus fidelibus suis francis et anglis et ministris baronum in quorum ministeriis et hundredis abbatia de Hulmo terras habet salutem Sciatis quod pro dei amore et remissione peccatorum meorum et incolumitate mea et Eustachii filii mei et pro stabilitate regni mei et pacis necnon et pro redemptione anime beate memorie regis Henrici avunculi mei et pro animabus regum Willelmi scilicet avi mei et Willelmi avunculi mei et aliorum parentum meorum quietam clamo et ab omni seculari potestate delibero abbatiam de Hulmo et omnes terras et ecclesias et uniuersas possessiones eidem abbatie pertinentes in cuiuscumque comitatu vel hundredo vel baillia sint Et ideo volo et firmiter precipio quod ecclesia Sancti Benedicti de Hulmo in omnibus teneduris et terris suis ubicumque sint habeant sokam et sacam et thol et theam et infangenetheofet gridbreces et forstal et wrek in man et in litore et in portibus maris et hamsoknam et blodwyte et fihtwyte et ferdwyte et flemmeneforth et averpeni et wardpeni et omnes alias libertates et liberas consuetudines et omnes rectitudines et justicias quas ego ipse habeo in dominicis terris meis et elemosinis pertinentibus corone mee Et hec habeat ecclesia supradicta in bosco et plano et pratis et pascuis et molendinis et turbariis et stagnis et vivariis et viis et semitis et mari et portibus maris et mariscis et in aqua et extra aquam in feriis et mercatis in civitate et extra in burgo et extra burgum et in omnibus locis sicut predixi Testimonio domini Elbrardi Norwicensis episcopi et Alexandri Lincolniensis episcopi et Athelolfi episcopi de Carduil et Walteri abbatis de Ramesei et Rogeri de Fiscampo archidiaconi et Ricardi de Bolonia capellani et comitis Alani et Willelmi comitis de Warenn et comitis Symundi et Willelmi comitis de Albaniac et Ingelrani de Sayi et Johannis filii Roberti tunc temporis vicecomitis et Ricardi filii Ursi et Aluredi Gernun et aliorum multorum Apud Norwicum