Charter Document - 03790370
| Charter Number: | 03790370 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1143 |
| Date type: | Assigned |
| Resource Link(s): |
|
Charter:
M[atildis] imperatrix H[enrici] regis filia archiepiscopis episcopis abbatibus comitibus baronibus justiciis vicecomitibus ministris omnibusque fidelibus suis francis et anglicis totius Anglie salutem Sciatis me pro amore dei et animabus patris mei H[enrici] regis Anglie et matris mee Matild[is] regine et salute anime mee et incolumitate domini mei G[aufredi] ducis Norm[annorum] et comitis And[egavorum] et meorum liberorum dedisse et concessisse deo et ecclesie Sancte Marie et Sancti Johannis de Godestowe et monialibus ibidem deo servientibus terram de Shillingford videlicet duas hidas et dimidiam et dimidiam virgatam quam Radulphus vicecomes pro i duobus solidis et vi denariis tenuit et centum solidatas terre in Waltone imperpetuam elemosinam sicut eam habuer[unt] quando apud Oxineford[iam] obsessa fui et ideo volo et firmiter precipio quod supradicti loci monache terras illas et terram suam de Entona et alias omnes terras ecclesie sue pertinentes habeant et teneant in bono et pace libere quiete et honorifice in pratis in aquis in pasturis in bosco et plano et molendinis et aliis rebus omnibus et liberis consuetudinibus et libertatibus sum socco et sacco et thol et theam et infangenetheof et de hundredo et denegaldo et scira et omni geldo et omnibus querelis et aliis exactionibus liberas et quietas et sicut aliquis ecclesia melius et liberius vel quietius in tota Anglia possessiones suas tenet ne aliquis in aliquo eis iniuriam vel contumeliam inferat Domum enim illam et que ad eam spectant omnia in manu mea et custodia ac protectione suscepi sicut eam videlicet quam pater meus et ego fundavimus et que de nostra propria est elemosina Quod ut ratum et inconcussum teneatur imperpetuum carte mee et sigilli mei privilegio sanctitum esse volui Hiis testibus Rob[erto] com[ite] Gloc[estrie] Milone com[ite] Heref[ordie] et Briencio fil[io] Com[itis] Hunfrido de Bohun Apud Divisas