Charter Document - 03790337

Stephanus rex Anglorum archiepiscopis episcopis abbatibus comitibus vicecomitibus baronibus et omnibus fidelibus suis totius Anglie salutem Sciatis quoniam dedi et concessi deo et ecclesie Sancte Marie de Furhurnesio et abbati et monachis ecclesie ejusdem in ea deo servientibus in perpetuam elemosinam pro anima regis Henrici domini et avunculi mei et patrum et antecessorum meorum et pro remissione peccatorum meorum et uxoris et prolis mee et fratrum meorum et pro stabilitate regni mei omnia ista subscripta que eidem ecclesie dederam dum comes Moretonie eram scilicet totam forestam meam de Fuhurnesio cum omni venatione que in ea est et Daltonam et totum dominium meum infra Fuhurnesium cum hominibus et omnibus ei pertinentibus in bosco in plano in terra et aquis et Olvestonam et Rogerum Bristoaldum cum suis Et do eis socum et sacam et toll et theam et infangeneteof et quicquid infra Fuhurnesium continetur preter terram Michaelis Flandrensis eo tenore interposito ut in loco illo per dispositionem abbatis presentis ordo monasticus et regularis deo succurrente teneatur Concessu quoquc meo et voluntate dedit ei Willelmus de Lancastria villam de Mulecastra que est de feodo meo totam et quietam ab omni servicio cum omnibus que ei pertinent Hanc itaque donationem et concessionem meam factam deo et ecclesie illi regia auctoritate confirmo et inviolate integreque permansuram usque in sempiternum a deo michi concessa potestate corroboro et quicquid presentium vel futurorum devotio fidelium ipsis in Christo contulerit firmum manere statuo et compono Testibus T[hurstino] archiepiscopo Eboracensi et H[enrico] episcopo Wintoniensi et Aud[oino] episcopo Ebroicensi et B[ernardo] episcopo Sancti David et R[ogero] cancellario et R[oberto] comite Gloecestrensi et W[illelmo] comite Warenne et R[oberto] de Ver et Willelmo Martel et Roberto filio Ricardi et Roberto de Brus Apud Exoniam anno incarnationis dominice MCXXXVI regni vero mei primo in obsidione