Charter Document - 03790335
| Charter Number: | 03790335 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1136 |
| Date type: | Internal |
| Resource Link(s): |
|
Charter:
S[tephanus] rex Angl[orum] archiepiscopis episcopis abbatibus comitibus justiciariis vicecomitibus baronibus et omnibus fidelibus suis francis et anglis totius Anglie salutem Sciatis me concessisse deo et ecclesie Sancte Marie et abbati et monachis de Fontibus qui sunt de ordine Cist[erciensi] pro dei amore et salute anime mee et parentum meorum et pro statu regni mei duas carucatas terre in Sutuna quas Thurstinus archiepiscopus Ebor[acensis] eis dedit et concessit in elemosinam perpetuam cum omnibus rebus eidem terre pertinentibus in bosco et plano et pratis et pasturis et aquis Et partem bosci de Hereleshow per divisas et metas quas predictus archiepiscopus eis fecit et statuit in terra et in bosco et sicut ipse eas eis per cartam suam confirmavit et que recte pertinent predictis ternis Et preter hoc concedo eis duas carucatas terre in duabus Caytunis quas Eustachius filius Johannis eis dedit et concessit cum omnibus rebus eidem terre pertinentibus in bosco et plano et pratis et pasturis et aquis per divisas et metas quas Eustachius filius Johannis eis fecit et statuit et que juste pertinent eisdem terris et sicut Eustachius eas eis per cartas suas confirmavit Quare volo et firmiter precipio quod bene et in pace et libere et quiete teneant de omnibus auxiliis et geldis et danegeldis et assisis et placitis et omnibus occasionibus et querelis et scutagiis et omnibus consuetudinibus et omni terreno servitio quod mihi vel archiepiscopo Eboracensi vel Eustachio vel successoribus meis vel eorum unquam pertineat nunc et usquam in sempiternum omnia eis quieta et soluta clamo et regia auctoritate et a deo collata mihi potestate illi ecclesie imperpetuum obtinenda confirmo et illibate permanenda statuo et corroboro T[estibus] T[urstino] archiepiscopo et A[lexandro] episcopo Lincoln[iensi] et Audoeno episcopo Ebroic[ensi] et Johanne episcopo Sagiensi et Adel[ulfo] episcopo Carleolensi et R[ogero] cancellario Apud Eboracum anno incarnationis dominice MCXXXV et anno regni mei primo