Charter Document - 03790327

S[tephanus] rex Anglorum archiepiscopis episcopis abbatibus comitibus justic[iis] vicecomitibus baronibus et omnibus fidelibus suis per Angliam constitutis salutem Sciatis quod ego Stephanus rex Anglorum et dux Normannorum pro salute animarum patrum et parentum meorum et specialiter regis Henrici domini et avunculi mei necnon pro remissione peccatorum meorum et uxoris et filiorum et fratrum meorum et pro statu totius regni mei reddidi et concessi imperpetuum elemosinam illam quam rex Henricus avunculus meus dederat deo et ecclesie Sancte Marie de Fonte Ebraudi et sanctimonialibus in ea deo servientibus scilicet centum marcas argenti singulis annis ad victum earum in Quadragesima que singulis annis de thesauro meo eis liberabuntur ita quod lx marce illarum centum sint de firma civitatis mee Lond[oniensis] et relique xl marce sint de firma civitatis Winton[iensis] Et medietatem illarum c marcarum ad Pascha habebunt et aliam medietatem ad festum Sancti Michaelis omnibus annis Hanc itaque donationem regis Henrici domini et avunculi et predecessoris mei factam et carta illius confirmatam ego postea regia auctoritate confirmo et a deo mihi concessa corroboro et ut illi perduret ecclesie in sempiternum integram et inconcussam sigilli mei impressione et subscriptorum attestatione subsigno scilicet Matildis regine uxoris mee et Eustachii filii mei qui hanc elemosinam concesserunt Hugonis archiepiscopi Rothom[agensis] Johannis episcopi Lexoviensis Henrici Winton[iensis] episcopi fratris mei et comitis Teobaudi fratris mei Galeranni comitis Mellenti Robert comitis Legrec[estrie] Radulfi capellani comitis Teob[audi] Roberti de Novoburgo Anselli de Triannello Hilduini de Vendop[er]e Amalrici de Misten[no] Gauterio de B[er]n[eriis] Engelranni de Sai Rogerii de Fiscanno Himelini de Argent[ona] Roberti de Sauq[ue]villa Hugonis de Deserto Actum est hoc apud Rothomagum anno ab Incarnatione Domini MCXXXVII