Charter Document - 03790323
| Charter Number: | 03790323 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1151 - 1152 |
| Date type: | Assigned |
| Resource Link(s): |
|
Charter:
Henric[us] dux Normannorum et comes Andegavensium archiepiscopo Turonensium episcopo Cenomannensium episcopo Andegavensium et omnibus hominibus et fidelibus suis salutem et sanitatem Quoniam veredica voce Salvatoris nobis dicitur Operamini non cibum qui perit sed qui permanet in vitam eternam et apostolus dicit Operamini bonum ad omnes maxime autem ad domesticos fidei ego Henric[us] Andegavensium consul intelligens hoc et veraciter credens tam futuris quam presentibus notifico me concessisse et carta mea inperpetuam confirmasse elemosinam pro amore dei et anima Gaufridi patris mei monialibus de Fonte Sancti Martini lx libras Andegavensis monete quas pater meus eis dederat et ideo mando et firmiter precipio quod ministri mei eas ipsis in pace et in bono et sine omni impedimento habere faciant ad festum Sancti Nicholai de redditu meo Andegavi xx libras Andeg[auensis] monete ad Pentecosten Cenomanni xx libras Andeg[auensis] monete de redditu meo ad festivitatem Beate Marie que est in Septembri apud Turonim xx libras Andeg[auensis] monete de redditu meo Turon[is] Factum est hoc apud Baugeiu[m] anno ab incarnatione domini MCLI T[estibus] Engelberto archiep[iscop]o Turonen[sium] Will[el]mo ep[iscop]o Cenomannensiu[m] Normanno ep[iscop]o Andegauensiu[m] Widon[e] de Sableio Gaufr[ido] et Will[el]mo de Silliaco nepotibus eius Thoma capellano Josleno de Turon[i] Will[el]mo filio Hamonis Gaufr[edo] de Cleer[is] Hugon[e] de Cleer[is] Pipino de Turoni Simone de Castell[ione] Durand[o] Burell[o] Burchardo de Mareillo Apud Baug[eium]