Charter Document - 03790311

H[enricus] dei gratia dux Norm[annorum] et Aquitanie et comes And[egavorum] omnibus archiepiscopis episcopis abbatibus consulibus vicecomitibus baronibus justiciis et amicis fidelibus francis et anglis salutem Sciatis me dedisse et concessisse Mauricio filio Rodb[er]ti filii Hard[ingi] et heredibus suis manerium de Berckelai et totam Berckeliaernesse cum omnibus appendiciis suis plene et integre sicut erat in tempore Henrici regis avi mei tenendum in feudo et hereditate sibi et heredibus suis de me et de heredibus meis per servitium unius militis vel si ipse Mauricius melius voluerit dare centum solidos per annum pro servitio militis sicut dedi et concessi Rodb[er]to filio Hard[ingi] patri predicti Mauricii predictum manerium de Berckelai cum omnibus supradictis pro suo servitio Et accepi pro ista supradicta donatione predicte terre homagium Mauricii filii Rodb[er]ti filii Hard[ingi] Quare volo et precipio quod Mauricius et heredes sui predictum manerium et omnia pertinentia sua in ecclesiis in nemoribus in planis in pascuis in terris in aquis in viis in semitis et in placitis et in omnibus rebus et eventibus teneant et inperpetuum habeant libere quiete et honorifice cum tol et them et soch et sacke et infanckenethef et cum omnibus libertatibus et liberis consuetudinibus suis et quietanciis que ibi fuerunt in tempore Henrici regis avi mei Et preterea dedi et concessi eis habere in predicto manerio liberum marcheium cum omnibus libertatibus que ad marcheium pertinent quacumque die septimane voluerint et monetam cum proprio monetario suo T[estibus] abbate Sancti August[ini] de Bristou et Henrico thesaurario Will[el]mo Cumino Rogero com[ite] Heref[ordie] Ricardo de Humez constabul[ario] Maneser Biseth dapifero Rodb[er]to de Saltemareis