Charter Document - 03790299
| Charter Number: | 03790299 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1150 - 1151 |
| Date type: | Assigned |
| Resource Link(s): |
|
Charter:
H[enricus] dux Normannorum archiepiscopis et episcopis et abbatibus comitibus et omnibus filiis sancte ecclesie per Normanniam constitut[is] salutem Sciatis quoniam ego H[enricus] dux Normannorum concedo et do deo et hospitali Falesie et fratribus tam clericis quam laicis in eo deservientibus in elemosinam [perpetuam pro remiss]ione peccatorum meorum et salute animarum parentum meorum molendinam meam de Falesia quam Goinfr[idus] et canonici fecerunt et terram ferie Et preterea concedo et confirmo eidem hospitali totam terram et omnes domos et furnos et omnes redditus et res cuiuscumque sint g[e]n[er]is quas Goinfridus ei hospitali et fratribus in elemosinam concessit in Anglia et in Normannia et villa Falesie et quas ipse vel aliquis alter quicumque sit legaliter eis dedit vel in futurum dederit in aliquo tempore Ego vero ipsum hospitalem et fratres meos qui in eo sunt in custodia et propria manu[s] mee protectione conseruans tam quam meam propriam elemosinam eos et omnes eorum possessiones et res presentes et futuras quietas et solutas a teloneo et passagio et omni consuetudine et querela et occasionibus et omnibus exactionibus nunc et in sempiternum statuo Et ut hec omnia ut supramemoratum est illis quiete et integre perdurent a deo mihi collata potestate concedo et corroboro Test[ibus] W[illelmo] cancell[ario] Alexandro de Bo[hu]n Rob[erto] de Curce Gui[done] de Sabl[ole] Jordane Tesson W mariscalco Rad[ulfo] de Pom[er]ia Data apud Falesiam