Charter Document - 03790288

Quoniam diuina misericordia prouidente cognouimus esse dispositum et longe lateque predicante ecclesia sonat omnium auribus divulgatum quod elemosinarum largitione possunt absolui vincula peccatorum et adquiri celestium premia gaudiorum Ego + Stephan[us] dei gratia Anglorum rex partem habere volens cum illis qui felici commercio celestia pro terrenis com[m]utant dei amore compunctus et pro salute anime mee + et patris mei matrisque mee et omnium parentum meorum + et antecessorum meorum regum + Will[el]mi scilicet regis avi mei + et Will[el]mi avunculi mei + et Henrici regis avunculi mei + et Rotb[er]ti Malet et consilio baronum meorum concedo deo et ecclesie sancti Petri de Eia et monachis ibidem in dei servitio congregatis ut habeant omnes res suas quietas et liberas ab omni exactione Et teneant eas in terris in decimis in ecclesiis in omnibus possessionibus sicut umquam melius et honorabilius tenuerunt tempore Rotb[er]ti Malet et tempore meo antequam rex essem cum soca et saca et tol et tem et infanganathief + Precipio etiam ut teneant de quocumque tenebant et non mittantur in placitum sicut tenebant die qua Henric[us] rex fuit vivus et mortuus et die qua ad regni coronam perueni Sit etiam ipsa ecclesia in meo dominio cum rebus subscriptis Concedo ecclesiam de Holessl de Dineuet de Bordenis de Suttun de Stadebroc de Wingefel[da] et mercatum et thelonium de Orefort preter navium que pertinent ad firmam de Donew[ico] p[ro]p[ter] + xxx solidos Ecclesiam ipsam ubi monachi habitant cum terris suis decimam de Eia duodecim solidos de foro unam feriam per quatuor dies ad festum Sancti Petri Kalendas Augusti nullusque in feria habeat potestatem nisi monachi et homines eorum Et omnes illuc venientes et inde redeuntes habeant meam firmam pacem nullusque eos in aliquo disturbet super decem libras foris facture + Habeat etiam ecclesia eandem libertatem de episcopo de archidiacono de decano quam habuit a tempore regis Eadwardi et a tempore Eadrici de Lexefelda [et regis] H[enrici] + Sitque de priore ponendo et removendo sicut constitutum fuit in tempore Rotb[er]ti Malet + Habeat etiam omnes decimas de maneriis sicut habuit in tempore Rotb[er]ti Malet scilicet de Eia Stedebroc Radi[n]gefeldia Dinevet Tatinget Bethingha[m] Keleton Olesleia Leest Donewic Lessefeld Bergebi Welleburn Seggebroc Colu[m] Cave + Concedo etiam ecclesias has de Beweseia de Segebroc Bergebi et ecclesias de Donewico que facte sunt ac faciende de Bedingeha[m] Lessefeld et presbiterum ejusdem ville Et de omnibus meis silvis decimam pasnagii Piscariam etiam de Welles atque totam Bedefeldiam Stocas Pelecoc Frasingefeld Hec etiam terre quod habebant tempore Rotb[er]ti Malet in Bedingeham et omnia inconcusse teneant Concedo etiam ecclesiam Sancti Botulfi de Ica cum appendiciis suis quam dedit Will[elmus] de Rouill[a] et Beat[r]ix uxor eius et terram Godeni de Iakl[ea] et ea que habebant in Donewico eodem Rotberto vivente + Horum igitur supradictorum socam et sacam in omnibus concedo et nominatim in Donewico et decimas meorum hominum Walterii scilicet arbalestarii Et ecclesiam Sancte Margarete de Halgestowe et terram que ei pertinet Decimam quoque Rogeri filii Walteri de Hontingfeld et de Benges Ricardi Hoveel de Wiverdest de Geslingesh Richingehal Reindun decimam Hugonis de Aluilario in Brom et in Selfhangers Et hoc quod Alwin[us] presbiter tenet de eo in Beria decimam Will[elmi] de Bouilla in Clakestorp et in Glemeha[m] et de triginta acris quas tenet Will[el]m[us] Bole de feodo comitis Brittannie Decimam Will[el]mi Gulafri Unchenell Decimam Petri de Bedingefeld decimam de Pleeford et ecclesiam ville et Aluricum Delfen cum sua terra Decimam Hernaldi filii Rogeri in Witingeha[m] et Ascheton Terram Osberti de C[ra]teuill in Acolt et hoc quod dictus Benedictus capellanus tenebat de Rotb[erto] Malato in decimis et rebus aliis Decimam Will[elmi] de Pesensale Decimam Jordani de Willebehe v solidos de Pentenhahe quos Will[elmus] de Rouilla dedit iii solidatas quas tenet Joh[annes] filii Rotb[erti] Terram Aiwii filii Wulsta[ni] in Bedefeld[a] Septem solidatas quas tenet Wulmer presbiter de Codenham Decimam Humfridi filii Unuei Decimam Radulfi Grossi de Gretinges Duodecim solidos de aquitancia in Aldesen Terram Wulmari in Akesleia Et preter hec supradicta concedo eis quod decima eorum de Donewico crescat quoquo anno in denariis et harengis et in omnibus alus rebus secundum hoc quod redditus mei ibidem cresc[en]t Teste Nig[]