Charter Document - 03790274

M[athildis] regis Henrici filia archiepiscopis episcopis abbatibus comitibus baronibus justiciariis vicecomitibus et ministris et omnibus baronibus et fidelibus suis francis et anglis totius Anglie et Normannie salutem Sciant omnes tam presentes quam futuri quod ego Matildis regis Henrici filia et Anglorum domina do et concedo Gaufrido de Magnavilla pro servitio suo et heredibus suis post eum hereditabiliter ut sit comes de Essex[a] et habeat tertium denarium vicecomitatus de placitis sicut comes habere debet in comitatu suo in omnibus rebus Et preter hoc reddo illi in feodo et hereditate de me et heredibus meis totam terram quam tenuit Gaufridus de Magnavilla avus suus et Serlo de Matom in Anglia et Normannia ita libere et bene et quiete sicut aliquis antecessorum suorum illam unquam melus et liberius tenuit vel ipse met postea aliquo in tempore sibi dico et heredibus suis post eum Et concedo illi et heredibus suis custodiam turris Londonie cum paruo castello quod fuit Ravengeri in feodo et hereditate de me et heredibus meis cum terris et liberationibus et omnibus consuetudinibus que ad eandem turrim pertinerent et ut inforciet illa secundum voluntatem suam Et similiter do ei et concedo et heredibus suis c libratas terre de me et de heredibus meis in dominio videlicet Niweport pro tanto quantum reddere solebat die qua rex H[enricus] pater meus fuit vivus et mortuus et ad removend[um] mercatum de Niweport in castellum suum de Waldena cum omnibus consuetudinibus que prius mercato illi melius pertinuerunt in theloneo et passagio et aliis consuetudinibus et ut vie de Niweport que sunt juxta littus aque dirigantur ex consuetudine ad Waledenam super foris facturam meam et mercatum de Waldena sit ad diem dominicam et ad diem iouis et ut feria habeatur apud Waledenam et incipiat in vigilia Pentecost et duret per totam hebdomadam Pentecostes Et Meldonam ad perficiendum predictas c libratas terre pro tanto quantum inde reddi solebat die qua rex Henricus fuit vivus et mortuus cum omnibus appendiciis et rebus que adiacebant in terra et mari ad burgum illud predicto die mortis regis Henrici Et Deopedenam similiter pro tanto quantum inde reddi solebat die qua rex Henricus fuit vivus et mortuus cum omnibus appendiciis suis Et boscum de Chatelega cum hominibus pro xx solidis et terram de Banhunta pro xl soldis Et si quid defuerit ad c libratas perficiendas perficiam ei in loco competenti in Essexa aut in Hertfordescira aut in Cantebriggscira tali tenore quod si reddidero comiti Theobaldo totam terram quam tenebat in Anglia dabo Gaufrido Comiti Essex[e] escambium suum ad valentiam in his predictis tribus comitatibus antequam de predictis terris dissaisiatur Si etiam reddidero totum honorem et totam terram heredibus Willelmi Peur[ell] de Lond[onia] dabo similiter ei escambium ad valens antequam dissaisiatur de illa que fuit Pevrelli et illud escambium erit de terra que remanebit illi hereditabiliter Et preter hoc do et concedo ei et heredibus suis de me et heredibus meis tenendum feodum et servicium xx militum et infra servicium istorum xx militum do ei feodum et servicium terre quam Hasculf[us] de Tania tenuit in Anglia die qua fuit vivus et mortuus quam tenet Greleng[us] et mater sua pro tanto seruicii quantum de feodo illo debent et totum superplus istorum xx militum ei perficiam in prenominatis tribus comitatibus Et servicium istorum xx militum faciet mihi separatim preter aliud servicium alterius feodi sui Et preterea concedo illi ut castella sua que habet stent et ei remaneant ad inforciandum ad voluntatem suam Et ut ille et omnes homines sui teneant terras et tenaturas suas omnes de quocunque teneant sicut tenuerunt die qua ipse homo meus effectus est salvo servitio dominorum Et ut ipse et homines sui sint quieti de omnibus debitis que debuerunt regi Henrico aut regi Stephano Et ut ipse et omnes homines sui per totam Anglam sint quieti de wastis forestariis et assartis que facta sunt in feodo ipsius Gaufredi usque ad diem quo homo meus devenit et ut a die illo in antea omnia illa essarta sue amodo excultabilia et arrabilia sine forisfacto Et ut habeat mercatum die iouis apud Bisseiam et feriam similiter ibidem quoque anno et incipiat vigila sancti Jacobi et duret tres dies Et preterea do et concedo ei et heredibus suis in feodo et hereditate ad tenendum de me et heredibus meis vicecomitatum Essex[e] reddendo inde rectam firmam que inde reddi solebat die qua rex Henricus pater meus fuit vivus et mortuus ita quod auferat de summa firma vicecomitatus quantum pertinuerit ad Meldonam et Niweport que ei donavi et quantum pertinuerit ad tertium denarium de placitis vicecomitatus unde eum feci comitem Et ut teneat oninia excidamenta mea que mihi exciderint in comitatu Essexe reddendo inde firmam rectam quamdiu erunt in domimo meo Et ut sit capitalis justicia in Essexa hereditabilter mea et heredum meorum de placitis et forisfactis que pertinuerint ad coronam meam ita quod non mittam aliam justiciam super eum in comitatu illo nisi ita sit quod aliquando mittam aliquem de paribus suis qui audiat cum illo quod placita mea juste tractentur Et ut ipse et omnes homines sui sint quieti versus me et versus heredes meos de omni forisfacto et omni maleuolentia preterita ante diem quo meus homo devenit Et ei firmiter concedo et heredibus suis quod bene et in pace et libere et sine placito habeat et teneat hereditabiliter sicut hec carta confirmat omnia tenementa sua que ei concessi in terris et tenaturis et in feodis et firmis et castellis et libertatibus et in omnibus conventionibus inter nos factis sicut aliquis comes terre mee melius et quietius et liberius tenet ad modum comitis in omnibus rebus ita quod ipse vel aliquis honiinum suorum non ponantur in ullo modo in placitum de aliquo forisfacto quod fecissent antequam homo meus factus esset nec pro aliquo forisfacto quod facturus sit in antea ponatur in placitum de feodo vel castello vel terra vel tenura quam ei concesserim quamdiu se defendere potuerit de scelere sive traditione ad corpus meum pertinente per se aut per unum militem si quis coram [me] venerit qui eum appellare inde voluerit T[estibus] H[enrico] ep[iscopo] Winton[iensi] et A[lexandro] ep[iscopo] Lincoln[iensi] et R[oberto] ep[iscopo] Heref[ordensi] et N[igello] ep[iscopo] Ely[ensi] et B[ernardo] ep[iscopo] de S[ancto] David et W[illelmo] cancellario et com[ite] R[oberto] de Glocestr[ia] et com[ite] B[aldewino] et com[ite] W[illelmo] de Moion et B[riano] fil[io] Com[itis] et M[ilone] Glocestr[ie] et R[oberto] Arundell et R[oberto] Malet et Rad[ulfo] Louell et Rad[ulfo] Painell et W[alkelino] Maminot et Rob[erto] fil[io] R[egis] et Rob[erto] fil[io] Martin[i] et Rob[erto] fil[io] Heldebrand[i] Apud Westmonaster[ium]