Charter Document - 03790271

Ego Steph[anu]s dei gratia assensu cleri et populi in regem Anglie electus et a Will[elm]o Cantuar[iensi] archiepiscopo et Sancte Romane Ecclesie legato consecratus et ab Innocentio Sancte Romane Sedis pontifice postmodum confirmatus respectu et amore dei Sanctam Ecclesiam liberam esse concedo et debitam reuerentiam illi confirmo Nichil me in ecclesia vel rebus ecclesiasticis simoniace acturum vel promissurum promitto Ecclesiasticarum personarum et omnium clericorum et rerum eorum justiciam et potestatem et distributionem bonorum ecclesiasticorum in manu episcoporum perhibeo et confirmo Dignitates ecclesiarum privilegiis earum confirmatas et consuetudines earum antiquo tenore habitas inviolate manere statuo et concedo Omnes ecclesiarum possessiones et tenuras quas die illa habuerunt qua Willelmus rex Angl[orum] avus meus fuit vivus et mortuus sine omni calu[m]pniantium reclamatione eis liberas et absolutas esse concedo Si quid vero de habitis vel possessis ante mortem ejusdem regis quibus modo careat ecclesia deinceps repetierit indulgentie et dispensationi mee vel restituendum vel discutiendum reseruo Quecumque vero post mortem ipsius regis liberalitate regum largitione principum oblatione vel comparatione vel qualibet transmutatione fidelium eis collata sunt confirmo Pacem et justiciam me in omnibus facturum et pro posse meo conseruaturum eis promitto Forestas quas W[illelmus] rex avus meus et W[illelmus] secundus avunculus meus instituerunt et tenuerunt illas mihi reseruo Ceteras omnes quas rex Henricus superaddidit ecclesiis et regno quietas reddo et concedo Si quis autem episcopus vel abbas vel alia ecclesiastica persona ante mortem suam rationabiliter sua distribuerit vel distribuenda statuerit firmum manere concedo Si vero morte preoccupatus fuerit pro salute anime eius ecclesie consilio eadem fiat distributio Dum vero sedes propriis pastoribus vacue fuerint ipse et omnes earum possessiones in manu et custodia clericorum vel proborum hominum ejusdem ecclesie committantur donec pastor canonice substituatur Omnes exactiones et injusticias et meschenningas sive per vicecom[ites] vel per alios quoslibet male inductas funditus exstirpo Bonas leges et antiquas et iustas consuetudines in m[ur]dr[is] et plac[itis] et aliis causis obseruabo et obseruari precipio et constituo Hec vero omnia concedo et confirmo salva regia et iusta dignitate mea testibus W[illelmo] Cant[uariensi] archiep[iscop]o et Hug[one] ar[chi]ep[iscop]o Roth[omagensi] et H[enrico] ep[iscop]o Winton[iensi] et Rog[ero] ep[iscop]o Sar[esberiensi] et Alexand[ro] ep[iscop]o Linc[olniensi] et Nig[ello] ep[iscop]o Eliensi et Ebr[ardo] ep[iscop]o Norwich[ensi] et Sim[one] ep[iscop]o Wirec[estrensi] et Bern[ardo] ep[iscopo] S[ancti] D[avi]d et Aud[oeno] ep[iscop]o Ebroic[ensi] et Ric[ardo] ep[iscop]o Abrinc[ensi] et Rob[er]to ep[iscop]o Heref[ordensi] et Joh[anne] ep[iscop]o Rouec[estrensi] et Adel[ulfo] ep[iscop]o Carl[eolensi] et Rog[er]o canc[ellario] et Henr[ico] nep[ote] regis et R[oberto] Com[ite] Gloec[estrie] et Will[elm]o Com[ite] Warenn[e] et Rann[ulfo] Com[ite] Cestr[ie] et R[ogero] Com[ite] Warwich[e] et Rob[erto] de Ver et Milon[e] Gloec[estrie] et R[oberto] de Oilli et B[rientio] fil[io] Comitis constab[u]l[ar]i[i]s W[illelmo] Martel et Hugon[e] Big[ot] et Umfr[ido] de Boh[un] et Sim[one] de Belloc[ampo] dapif[er]is et W[illelmo] de Albini et Eud[one] Martel pinc[er]nis et Rob[erto] de Ferr[ariis] et W[illelmo] Peur[ello] et S[imone] de Siluanecti et W[illelmo] de Albini et Pag[ano] fil[io] Joh[annis] et H[amone] de S[ancto] Claro et Ilb[erto] de Laci Apud Oxenef[ordiam] Anno ab incarnatione domini MCXXXVI sed regni mei primo