Charter Document - 03790249

Stephanus rex Angl[orum] archiepiscopis episcopis abbatibus comitibus justiciariis vicecomitibus baronibus ministris et omnibus fidelibus suis francis et anglis totius Anglie salutem Sciatis me concessisse et confirmasse deo et ecclesie Sancti Guthlaci de Croylandia et monachis ibidem deo servientibus omnes terras et tenuras et possessiones alias ad eandem ecclesiam pertinentes et nominatim mariscum in quo sita est predicta ecclesia cum limitibus suis nominatis qui sic tenduntur de Croilande usque ad Asendike et sic usque ad Asenwik et sic per Shephe ad Tedwarthar et inde usque [ad] Namannesland et sic per aliam partem aque de Neen usque ad Fynfett et sic usque ad Greines et ita ad Folkwoldstathing[e] et inde sicut Sudlak cadit in aquam de Weland et sic ex altera parte aque usque ad Aispad et inde usque Werwarlak[e] et sic usque ad Harnhold et sic sursum per aquam ad Meyngerlak[e] et inde sicut Apenhold cadit in Weland Quare volo et firmiter precipio quod predicta ecclesia et abbas et monachi teneant et in perpetuum possideant quicquid continetur infra has metas et omnes alias terras et tenuras et possessiones suas bene et in pace et libere et honorifice et quiete in bosco et in plano in pratis et pasturis in aquis et mariscis in vivariis et piscariis in molendinis et stagnis et in omnibus aliis rebus et locis cum saca et socha et toll et theam et infangenetheof et cum omnibus aliis liberis consuetudinibus et quietationibus cum quibus aliqua ecclesia regni mei melius et liberius et quietius tenet Testibus M[atilde] regina et com[ite] Sim[one] et Bald[wino] fil[io] Gisl[eberti] et Adam de Beln[aco] et Ricard[o] de Canvill[a] Apud Stannford