Charter Document - 03790213

Stephanus dei gratia rex Anglorum et dux Norm[annorum] archiepiscopis episcopis abbatibus comitibus baronibus justiciariis vicecomitibus et omnibus fidelibus suis francis et anglis clericis et laicis totius Anglie salutem Sciatis me concessisse et confirmasse deo et Sancto Johanni Baptiste de Colecestria et abbati et monachis ejusdem loci in perpetuam elemosynam omnes ecclesias et terras et elemosinas et decimas et homines et redditus et omnes res suas ubicunque eas habeant quas rex Henricus eis concessit et per cartam suam confirmavit sicut eas melius et liberius et plenius habuerunt tempore regis Henrici et sicut carte regis Henrici testantur Et preterea concedo eis cuncteque eorum possessioni libertates et leges ecclesie Sancti Petri de Westmonasterio scilicet sacham et socham et toll et theam mundbrice burhbrice myschenninge sceaþinge hlæstynge frydsocha flemenefirmthe þærgyldþeof uthleaþ forfeng feohfeg feordþyte feochtþite weardþyte hængþyte hamsocha forstæall infangeneth[ef] et omnia jura qualiumcumque causarum et omnes alias leges et consuetudines que ad me pertinent in terra et in aqua in urbe et extra in domo et extra in villa et extra in placito in soca et sacha in tholoneo in furis apprehensione et emissione in sanguinis effusione et in omnibus aliis rebus in omni tempore et in omnibus locis Has ergo omnes leges et consuetudines concedo deo et ecclesie Sancti Johannis de Colecestria inperpetuum possidere in aqua et terra tam plene et tam libere sicut egomet illas habeo et sicut rex Henricus eis illas concessit et cartis et breuibus suis confirmavit et sicut ipsi monachi eas melius habuerunt et tenuerunt tempore regis Henrici predicti et die qua fuit vivus et mortuus Testibus R[ogero] cancellar[io] et Alb[er]ico de Ver et Will[elm]o Martel et Hug[one] Bigot Apud Oxenefordiam