Charter Document - 03790194
| Charter Number: | 03790194 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1140 - 1142 |
| Date type: | Assigned |
| Resource Link(s): |
|
Charter:
Stephanus dei gratia rex Anglorum archiepiscopis episcopis abbatibus comitibus justiciariis vicecomitibus baronibus ministris et omnibus fidelibus suis totius Anglie et Normannie et Bolonie salutem Sciatis me concessisse per requisitionem Mathildis regine uxoris mee et Eustachii filii mei et pro anima comitis Eustachii et pro redemptione animarum nostrarum et antecessorum nostrorum fratribus in Claromesc deo servientibus in Bethlo totam terram cum nemore que est inter domum Malgeri et domum Raimundi de Tolsath sicut via que est in nemore dividit et via presbyteri Reliquum vero nemoris nostri ad necessitatem eorumdem fratrum et ut suum nutriant et subsidem unum super ripam manentem ut eos et res eorum per amnem uehat et reuehat [] que mihi debebat juste servitia eis persoluat libera et perpetuo jure obtinenda concessi et ne posteros latere possit sigilli mei impressione confirmavi Huic autem prime donationi interuentu domini Bernardi abbatis Clarevallensis ad valens duas carrugas inter boscum et planum in valle que est adiuncta vie presbiteri adiunxi Et hoc quoque sigilli mei impressione confirmavi et comiti Flandrie ad cuius feodum pertinet hoc idem confirmandum mandavi Et ne quis hoc temerarius in posterum violare presumat episcopo Morinensi ut idem sigilli sui auctoritate et excommunicationis data sententia confirmet supplicavi Testibus Roberto de Gandauo cancellario et Willelmo Martel et Ingelramno de Sai et Turgisio de Abrincis et Roberto de Valderi Apud Geldeford
Source (click image below to view full size)
