Charter Document - 03790163

S[tephanus] rex Anglorum archiepiscopis episcopis abbatibus comitibus justiciar[iis] vicecomitibus baronibus ministris et omnibus fidelibus suis francis et anglis totius Anglie salutem Sciatis quia pro salute anime mee et Matilde regine uxoris mee et Eustacii filii mei et aliorum puerorum meorum et pro anima regis Henrici avunculi mei et predecessorum meorum regum Anglie dedi et concessi deo et ecclesie Sancti Augustini et altari [et abbati et conventui ejusdem ecclesie] molendinum quod habui infra civitatem Cantuarie juxta Estbriggam et totum cursum aque illius molendini in restauratione vadimonii centum marcarum quod ego pro necessitate mea ab eadem ecclesia cepi presentibus baronibus meis scilicet Willelmo de Ipra et comite Gisl[eberto] et Rad[ulpho] de Haia et aliis multis [Et prohibeo ne aliquis prohibeat quin homines civitatis Cantuarie et prouincie eant et veniant ad molendinum prefatum cum blado suo ad molandum ita bene et plenarie sicut melius et plenius fecerunt tempore regis Henrici avunculi mei et meo tempore postea dum molendinum prefatum in mea manu fuit] Quare volo et firmiter precipio quod predicta ecclesia Sancti Augustini [et altare et abbas et conventus ejusdem ecclesie] teneant et habeant predictum molendinum cum omnibus [libertatibus et consuetudinibus] eidem pertinentibus ad servitium altaris illius ecclesie ita bene et in pace et libere et quiete et honorifice sicut ego vel aliquis rex predecessor meus melius et liberius et quietius tenuit Test[ibus] Will[el]mo de Ipra Will[el]mo Mart[el] et Ric[ardo] de Lucy et Rad[ulpho] Picot et Will[el]mo de Aisneford Apud Oxeneford