Charter Document - 03790116

M[atildis] imperatrix H[enrici] regis filia et Anglorum domina archiepiscopis episcopis abbatibus comitibus baronibus justic[iis] vicecomitibus et omnibus fidelibus Angl[ie] et Norm[annie] tam presentibus quam futuris salutem Notum sit vobis me pro dei amore et pro anima H[enrici] regis patris mei et M[athildis] regine matris mee et parentum et antecessorum meorum et pro salute G[aufridi] comitis Andeg[avorum] domini mei et mea et H[enrici] heredis mei et aliorum filiorum meorum et pro pace et stabilitate regni Angl[orum] fundasse abbatiam quandam que dicitur Bordesleia de ordine Cisterciensi in honore Beatissime Virginis Marie regine celorum Huic autem abbatie dedi et concessi et confirmavi totam terram Bordesleie et Teneshale et Ludeshale et Cobesleie et Holesweie preter terram parcarii et totum dominicatum Budefordie et Northunie in bosco et plano in pratis et pasturis in aquis et molendinis et in omnibus aliis pertinentiis Preterea ius aduocationis et donationis ecclesie de Terdebiga cum virgata terre in eadem villa et quibusdam sartis prope divisam terre ejusdem abbatie et novum puteum de Wich de proprio labore suo et omnia aisiamenta sua in foresta de Feccaham cum omni libertate pasnagii et pasture et materierum ad edificia construenda et aliarum rerum usui necessarium et unam piscariam apud Herneleiam cum terram que ad eam pertinet Hec autem omnia libere et quiete in bene et in pace ab omni servitio et exactione et consuetudine seculari inperpetuum permansura concedo et sigilli mei impressione confirmo Testibus Rob[erto] comite Gloecestr[ie] et Gualerann[o] comite Mell[enti] et Milon[e] comite Hereford[ie] et Will[elm]o de Pontearch[e] camer[ario] et Willelmo de Belloc[ampo] et Willelmo Diffublato et Gaufrid[o] de Walt[er]uill[a] et Goscelino de Baillol et Rob[erto] de Frumonuill[a] Apud Divis[as]