Charter Document - 03790090

H[enricus] dux Norm[annorum] et Aquit[anorum] et comes And[egavorum] omnibus archiepiscopis episcopis comitibus baronibus justic[iis] vic[ecomitibus] et omnibus amicis et fidelibus suis Norm[annie] et Angl[ie] salutem Sciatis me pro salute Henrici regis avi mei et Gaufridi patris mei et Matill[is] imperatricis matris mee et aliorum antecessorum meorum et pro propria salute mea dedisse et concessisse in perpetuam elemosinam ecclesie Sancti Saluatoris de Bermundeseia et monachis ibidem deo servientibus c s[olidos] annuatim de wherva de Edredeshuzo et xl s[olidos] de firma de Sudwerk[a] que pertinet ad coronam regis donasse quoque eis et remisisse x s[olidos] imperpetuum quos solebant reddere annuatim de Cherletona ad firmam de Tarenteford Quin etiam omnes donationes et libertates quas dedit eis et concessit rex Henricus avus meus de quibus habent cartas illius insuper etiam omnia que eis data vel vendita sunt de quibus habent cartas aut concessiones rectorum heredum concedo et confirmo ipsis imperpetuum Et si annuente deo regnum Angl[ie] adeptus fuero hanc eandem concessionem regali auctoritate confirmabo et sigilli regii attestatione corroborabo Quare volo et firmiter precipio quatinus monachi predicti hec supradicta libere et quiete perpetuo possideant nec quis eis inde iniuriam vel dampnum vel molestiam aliquam presumat T[estibus] Roberto comite Legrec[estrie] Willelmo comite Gloos[estrie] Rainald[o] comite Cornub[ie] Richard[o] de Humet Manesserio Biset Warino filio Giroldi Apud Divis[as]