Charter Document - 03790088

M imperatrix Henrici regis filia et Henricus dux Normannie Wyllelmo Boterello conestabulo Warengfordie et Ansfrido filio Rualdi dapifero et omnibus baronibus suis [] militibus et burgensibus clericis et laicis de Warengefordia et omnibus fidelibus suis salutem Sciatis nos concessisse et donasse magistro Benedicto in elemosyna et in prebenda in augmento prebende quam sibi dedimus per Brientium filium comitis salvo tamen tenemento et personalitate Turoldi canonici in vita sua nisi ipse Turoldus sponte se dimiserit et salva compositione inter eum et Benedictum facta totam terram videlicet extra portam de Sud a fossa ville que est proxima molendino quod fecit facere Brientius usque ad rivulum qui dicitur Winterbroc in que exit per portam de Sud et tendit ad Winterbroc usque in Tamisiam saluis tenamentis omnium hominum de illa terra tenentium Et amodo ex quo hanc cartam nostram viderint et audierint de deo et magistro Benedicto teneant facientes ei et reddentes illa servitia et illos redditus quos nobis facere debuerunt Et teneat Benedictus illam terram quietam et liberam et exutam ab omnibus consuetudinibus nobis pertinentibus Et volumus ut Benedictus auxilio dei et nostro et vestro et aliorum proborum edificet ibidem in terra supradicta in oportuno loco vestro consilio communi et suo proprio ecclesiam in qua mittat et constituat canonicos regulares Et illi ecclesie ibi fundande et canonicis illis regularibus concedimus et donamus in elemosyna et possessione prebendas ecclesie Sancti Nicolai de castello cum omnibus pertinentiis earum post decessum vel spontaneam demissionem canonicorum modo eas possidentium Radulphi videlicet de Jorz Radulphi de Witcheria Willelmi Ernaldi Turoldi Benedicti Ista et ita donamus pro anima Henrici regis et Mathildis regine et pro anima Brientii filii comitis et Mathildis uxoris sue qui istud opus facere proposuerant et pro nostra salute Et precipimus tibi Willelme Boterelle et tibi Ansfride fili Rualdi et tibi Henrice de Oxinfort in cuius manu modo villa est ut Benedictum saisiatis de supradicta terra et manuteneatis eum in omnibus tenementis in potestate vestra que tenent ipsa et canonici socii sui ne quisquam eis iniuriam faciat quin justiciam statim eis faciatis Huius rei et operis et harum prebendarum et ecclesiarum curam gerendam et tractandam magistro Benedicto committimus ut decano et donamus et precipimus canonicis supranominatis ut amodo ei intendant sicut suo decano Et mandate episcopo Salesbeniensi et Rogerio archidiacono ut Benedictum inde impersonent et istam cartam et hanc donationem nostram sua carta confirment Et cum ad canonicos regulares peruentum fuerit inveniant et statuant unum presbyterum et unum clericum cum presbytero qui ecclesie Sancti Nicolai in castello ministrent et deseruiant Huius donationis testes sunt Wyllelmus cancellarius magister Herbertus Rogerius Croceman Hugo medicus Alexander de Bohun Wyllelmus filius Hamonis Hugo de Duvra Waring filius Geroldi [] Malet Rannulfus de Broc Wyllelmus filius Anseret Walterius Buistard Simon Pincerna Apud Sanctam Mariam de Prato