Charter Document - 03790081

H[enricus] dux Norm[annorum] et Aquit[anorum] et comes And[egavorum] omnibus archiepiscopis episcopis comitibus baronibus justiciis vicecomitibus et omnibus amicis et fidelibus suis Norm[annie] et Angl[ie] salutem Sciatis me dedisse et in elemosinam perpetuam concessisse deo et ecclesie Sancti Pauli de Bed[efordia] pro salute antecessorum meorum et mea hagaflam Bedefordie pro octo libris in restauratione destructionis et dampnorum que eidem feci ecclesie et Selam cum prato et cum omnibus aliis pertinentiis pro quadraginta solidis si eam de Petro de Goldintona deliberare potero Si autem illam deliberare non potero excambium ad valens in ipsa villa Bedefordie de redditu meo canonicis ejusdem ecclesie dabo Preterea accipio ipsam ecclesiam et canonicos et omnes res et terras eidem ecclesie pertinentes in manu et custodia et in protectione mea et omnia jura ipsius ecclesie et canonicorum ubicumque fuerint in Anglia et juste dirationari poterunt eis reddam ad opus eorum in restauratione ecclesie illius protegam et defendam et custodiam Quod si predictas decem libratas pro guerra vel alia de causa illis guarantizare non potero alibi concambium ad valens in pace mea illis dabo Hoc autem eis dono et concedo ad presens cum autem deo volente ius meum Anglie adeptus fuero feodum ecclesie illius augmentabo et ubicumque manutenebo Quare volo et firmiter precipio ut canonici ejusdem ecclesie omnia predicta in bona pace et cum plena libertate in elemosinam perpetuam et liberam possideant nec quis eis inde iniuriam vel dampnum vel molestiam aliquam facere presumat T[estibus] Hug[one] de Belloc[ampo] Rogero fil[io] Ric[ardi] Ham[one] de Falesia Apud Stanforde in obsidione