Charter Document - 03790056

[G] dux Normannor[um] et comes Andeg[avorum] Hugoni dei gratia Rothomag[ensi] archiepiscopo et omnibus episcopis Normannie et omnibus baronibus salutem Christianorum principum est sua ecclesiis jura inconcussa illibataque conservare et si aliquatenus fuerint imp[ro]borum hominum vexatione turbata vel imminuta ad pristinum sue rectitudinis statum quamtocius revocare Eapropter quia Baiocensis ecclesia post tempora Odonis episcopi multa de jure suo perdiderat per subsequentium episcoporum incuriam qui minus in conservando vigiles extiterunt nos predicte ecclesie in oppressionibus suis compatientes juramento antiquorum et legitimorum hominum qui rem noverant fecimus recognosci jura possessiones consuetudines libertates supradicte ecclesie quascunque habuerat in tempore Odonis episcopi vestigiis regis Henrici inherentes qui hoc idem juramento antiquorum hominum fecerat recognosci post mortem Ricardi episcopi filii Sansonis Cuius factum bone memorie Lucius et Eugenius pape approbantes donationes venditiones commutationes ab omnibus episcopis factas post Odonem episcopum usque ad Philippum cassaverunt et irritas esse preceperunt Nos igitur predictorum patrum nostrorum Lucii pape et Eugenii litteris commoniti et precibus Philippi Baiocensis episcopi compulsi juramentum quod rex Henricus fieri fecerat ratum esse volentes juramento eorumdem qui tempore regis Henrici juraverunt et aliorum recognosci fecimus jura possessiones consuetudines libertates quas ecclesia Baiocensis tempore Odonis episcopi habuerat et habere debebat Recognita est igitur inter cetera leugata de Cambremerio apud Falesiam coram Rob[er]to de Novoburgo et coram Rotb[er]to de Curceio justiciis meis juramento antiquorum et legitimorum hominum qui subscripti sunt Juramento itaque hominum de terra Rotb[er]ti de Monteforte scilicet Ricardi de Warlainmont et Ricardi de Altaribus et de terra Rogeri de Gowit Roberti de Huchemainne de terra abbatis de Sancto Petro super Divam Ricardi filii Milonis Rogeri filii Odonis Hugonis Taissun Amis de terra Simonis de Bosuilla Gaut[er]i Britto[nis] Roberti filii Milonis Willelmi de Brueria Radulfi de Luto Ricardi Parui de terra Rogeri de Gratepanche Ricardi Durum Scutum Hugonis filii Ricardi et de terra Gaut[er]i de Pinu juramento Ricardi Verroil de terra Hug[onis] de Creuecor Ricardi de Fraisneto de terra Rob[er]ti Marmiun juramento Gocelini Vairun recognita leugata est et consuetudines et emende et termini quibus leuga continetur Juraverunt itaque predicti homines quod episcopus Baiocensis habet et habere debet et quod Ricardus episcopus filius Sansonis habuerat in tempore regis Henrici de hominibus omnibus infra terminos manentibus statum theloneum de omni emptione et venditione infra terminos facta ex consuetudine necnon et telonei non redditi et sanguinis ibidem facti constitutam emendam Juraverunt etenim quod licebat preposito episcopi per omnes terras infra terminos leugate justiciam suam libere exercere Termini autem leugate hii sunt incipit autem a Petra de Houcemai[n]ne et distenditur usque in Alegot fluvium deinde protenditur sicut Alegot currit dum cadat in viam fluvium abhinc sicut via discurrit donec Oreta aqua cadat in eandem subinde sicut Oreta descendit a vado Sancti Germani de Liuet et inde distenditur per domum Ricardi Garet usque ad butam Manerbe abhinc autem per medium Gratepance ad Petram de Houcemai[n]ne unde incipit Ceterorum maneriorum occupationes jurate sunt Baioc[is] coram Ricardo de Haia et Roberto de Novoburgo et Roberto de Curceio et coram Engelgero de Bohone a nobis ad hoc faciendum transmissis congregatis ad hoc jurandum de singulis maneriis plurimis antiquis et legitimis hominibus quorum juramento ita omnino recognitum est sicut continebatur in scripto quod factum fuerat secundum juramentum quod rex Henricus antea fieri preceperat Recognitum est igitur inter cetera quod Carchenneiu[m] et Wolleium fuerant de dominico Odonis episcopi et esse debebant subsequentium episcoporum et fossa Luchunc et mareschum et h[er]bergium eius cum ju[n]co et arundine ita quod Odo episcopus et Toroldus et Ricardus filius Sansonis ea in dominico suo habuerunt Omnia igitur hec [] quecumque de jure Baioc[ensis] ecclesie ablata sunt precipimus ad jus ecclesie predicte redire et in potestate episcoporum de cetero firmiter inconcusseque permanere T[estibus] Ricardo cancellario Roberto de Novoburgo Rob[er]to de Curceio Comite Ebroicense Amauricio de Maistenone Gaufrido de Cleis Gufero de Brueria