Charter Document - 03790051

In nomine sancte et individue Trinitatis Ego Stephanus dei gratia rex Angl[orum] notum facio archiepiscopis episcopis abbatibus comitibus baronibus vicecomitibus justiciis et omnibus ministris et fidelibus meis totius Anglie francis et anglis quod concedo et regali auctoritate confirmo pro anima gloriosi regis Willelmi avi mei et pro animabus avunculorum meorum Willelmi videlicet et Henrici regum et pro salute anime mee et Matildis regine uxoris mee et Eustachii filii mei et aliorum filiorum meorum donationem illam cum omnibus regalibus consuetudinibus et libertatibus quam idem inclitus rex Willelmus avus meus fecit ecclesie Sancti Martini de Bello quam fundavit ex voto et sic appellari voluit ob victoriam a deo sibi in eodem loco concessam scilicet ut ipsa ecclesia cum leuga circumquaque sibi adjacente sit libera et quieta ab omni subiectione et exactione episcoporum et aliarum quarumlibet personarum dominatione sicut ecclesia Christi Cant[uariensis] et ab omni consuetudine terrene servitutis et geldo et scoto et hidag[io] et danegeld[o] et opere pontium et castell[orum] et parcorum et clausur[is] et exercit[u] et omnibus auxiliis et placitis et querelis et sires et hundr[edis] cum saca et soca et thol et theam et infangenetheof et warpen[i] et lestas et hamsocne et forstal et blodwite et cildwite et latrocinio et murdro Similiter manerium de Wy cum appendiciis suis et Alsistun[am] Limenesfeld Ho Bromham Brithwoldinton[am] Craumareis Apeldreham cum omnibus appendiciis suis libera et quieta cum supradictis libertatibus et regalibus consuetudinibus Si vero thesaurus in ipsa leuga vel in terris ipsius ecclesie inuentus fuerit abbatis et monachorum sit totus Warennam propriam in ipsa leuga et in omnibus maneriis suis habeat Mercatum etiam in manerio de Wy concedo Similiter ecclesiam Sancti Olavi de Exonia et ecclesiam de Coluntun[a] et ecclesiam Sancti Johannis de Brechonn[a] cum terris et decimis et omnibus rebus ad eas pertinentibus Illas etiam ecclesias quas avunculus meus Willelmus rex dedit in dedicationem ipsius ecclesie de Bello scilicet ecclesiam de Sanford cum terris et decimis ad ipsam ecclesiam pertinentibus et ecclesiam de Exelinges similiter cum terris et decimis ad eam pertinentibus de annona et de omni pecunia Ecclesiam de Trilawe ecclesiam de Middehala ecclesiam de Nortun[a] similiter ecclesiam de Eilesham cum berwicis ad illam pertinentibus scilicet Stevekaie Scepdene Brundele ecclesiam de Mendlesham cum Andreustou Ecclesiam de Bra[m]ford cum berwicis ad eam pertinentibus videlicet Brustele Eilbrithestou et ecclesiam de Bra[n]tham cum terris et decimis et berwicis scilicet Bercolt Scothlege Seeluelege Benethiege concedo et confirmo Et si aliquis ex baronibus meis vel hominibus aliquid de suo eidem ecclesie in elemosinam dederit easdem omnino libertates habeat quas habet in supradictis maneriis Omnes igitur supradictas libertates et regales consuetudines concedo et confirmo supradicte ecclesie et monachis ibidem deo servientibus sicut carta regis Willelmi avi mei et carte filiorum eius regum testantur Steph[anu]s + Rex Angl[orum] Eustachi[us] fili[us] eius Will[elmu]s Cant[uariensis] archiep[is]c[opus] Ric[ardus] Lundon[iensis] ep[is]c[opus] Jocelin[us] Saresb[eriensis] ep[is]c[opus] Hillari[us] Cicestr[ensis] ep[is]c[opus] Will[elmu]s de Ripa Will[elmu]s Feram[us] Rob[ertu]s de Torneham Rob[ertu]s de Creueq[u]er Ric[ardus] de Luci