Charter Document - 03790034
| Charter Number: | 03790034 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1140 - 1152 |
| Date type: | Assigned |
| Resource Link(s): |
|
Charter:
S[tephanus] rex Anglorum archiepiscopis episcopis abbatibus comitibus justitiis vicecomitibus baronibus et omnibus ministris et fidelibus suis francis et anglis totius Anglie salutem Sciatis me dedisse et concessisse deo et ecclesie Beate Marie et Beate Athelburge et Adelid[e] abbatisse de Berchyng[a] et monialibus ibidem deo servientibus in perpetuam elemosinam pro salute mea et Mathildis uxoris mee et Eustacii filii mei et aliorum puerorum meorum et pro anima regis Henrici avunculi mei et aliorum antecessorum meorum regum Anglorum hundredum de Bardestapla ad tenendum illud in feodum de me in capite per xvi libras reddendas michi inde per annum quod olim solebat reddere michi decem et octo libras ita scilicet quod nullus super abbatissam vel ministros suos se inde intromittat saluis meis regalibus consuetudinibus que ad coronam meam pertinent Quare volo et firmiter precipio quod ecclesia predicta et abbatissa et moniales memorate teneant et habeant illud predictum hundredum in feodum et perpetuam elemosinam per illas xvi libras reddendas inde michimet per annum bene et in pace et libere et quiete et honorifice in terris et theloneis et auxiliis et consuetudinibus et nominatim terram quam Alselmus tenuit et cum omnibus aliis terris et rebus que ad illud pertinent cum quibus erat in manu mea aut aliquo tempore plenius et melius pertinebant cum socha et sacca et toll et theam et infangenetheof et omnibus aliis libertatibus que ad illud pertinent et sicut aliquis alius in toto comitatu de Essexa melius vel liberius vel plenius tenet hundredum suum Et hanc donationem meam optuli super altare Beate Marie et Beate Athelburge in ecclesia de Berching[a] per unum cultellum Et ut hec donatio mea in perpetuum perduret presentis sigilli mei impressione confirmo et attestatione subscriptorum corroboro T[estibus] Matild[e] regina et Will[elm]o comite de Sudsexa et Will[elm]o Martel et Adam de Belum et Rog[er]o de Fraxin[et] et Reinald[o] fil[io] Com[itis] et Henr[ico] de Nouom[er]cato et Ric[ardo] de Valder[i] et Godefrid[o] de Petri villa et Warn[ero] de Lusoris Apud Berching[am]
Source (click image below to view full size)
