Charter Document - 03790026
| Charter Number: | 03790026 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1142 |
| Date type: | Internal |
| Resource Link(s): |
|
Charter:
In nomine Patris et Filii et Spiritus Sancti Ego Matildis dei gratia Anglorum regina notificare volo tam posteris quam et presentibus quomodo ego et filius meus Eustachius concessione ac iussu domini mei Stephani regis pro salute animarum nostrarum atque parentum nostrorum decimam de Merc cum universis que ad eam pertinent quam ex jure paterno hactenus tenui tradiderim deo et ecclesie Sancti Nicholai de Aridagamantia in manus domni Geruasii abbatis viri religiosi et amici nostri dilecti usibus abbatis videlicet et canonicorum ibidem deo militantium in perpetuum profuturam et ab omni exactione ac jure seculari amodo liberam penitusque absolutam Et ut hec nostra traditio in posterum firmior et omnino inconvulsa permaneat libenter concedimus ac devote rogamus quatinus Romane auctoritatis munimento hec nostra quantulacumque largitio corroboretur et ne qua ecclesiastica secularisue persona deinceps eam mutare minuere seu quoquomodo perturbare presumat ferula excommunicationis terreat atque constringat Testibus his Johanne abb[at]e S[an]c[t]e Marie Bolonie Ricardo canonico Thoma cancellario Ernulfo p[re]posito de Lens Rob[er]to fr[atr]e ei[us] Alelmo canonicis Ivone comite Successionis Radulfo fratre eius Ricardo de Luci Gerulfo de Lens Hugone de Sp[er]lecha Hugone Pluchet Actum anno incarnationis dominice MCXLII feria III in vigilia Sancti Johannis Baptiste Apud Lens
Source (click image below to view full size)
