Charter Document - 03790024
| Charter Number: | 03790024 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1141 |
| Date type: | Internal |
| Resource Link(s): |
|
Charter:
Mathildis dei gratia Anglorum regina et Boloniensium comitissa et Eustachius filius eius archiepiscopo Remensi episcopo Morinensi abbatibus clericis baronibus et universis sancte dei ecclesie filiis presentibus et futuris salutem Notum vobis facimus quod ego Mathildis Anglie regina et Bolonie comitissa et Eustachius filius meus terram quandam quam Eustachius de Legrefth sub annuo decem librarum censu nobis persoluendo tenebat in perpetuam elemosinam dedimus et concessimus deo et ecclesie Sancte Trinitatis et Sancti Nicholai de Aridagamantia et Geruasio abbati eiusque successoribus et ejusdem ecclesie canonicis regularibus in perpetuum possidendam libere et quiete ab omni comitatu ab omni consuetudine ab omni inquietatione ab omni seculari exactione cum omnibus aisiamentis suis in terra in aqua in via et in aliis omnibus pro salute domini nostri Stephani regis et nostra et pro animabus antecessorum nostrorum Volumus igitur et precipimus quod prefatam terram in vicecomitatu de Merch et in potestate et parochia Sancto Merglise sitam bene et honorifice habeant et teneant nec ullus eos vel aliquem in ea manentem aliquatenus infestare presumat Hanc itaque donationem in presentia virorum illustrium et hominum nostrorum factam auctoritate nostra inconvulse confirmamus et sigilli nostri impressione signamus et ut sedis apostolice munimento corroboretur volumus et rogamus Actum Londonie V Idus Februarii anno ab incarnatione domini MCXL astantibus Radulfo cancellario Gaufrido de Hospitali Waltero de Bolebech Ingelramno de Sai Widone de Monsteriolo Radulfo filio marscalli Willelmo de Muers Signum Mathildis + regine Signum Eustachii +
Source (click image below to view full size)
