Charter Document - 03790019
| Charter Number: | 03790019 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1151 |
| Date type: | Internal |
| Resource Link(s): |
|
Charter:
In nomine sancte et individue Trinitatis unde bonum procedit Ego Gausfridus Fulchonis regis Jerusalem filius et dei gratia Andecavorum comes ad memoriam successorum meorum ne traderentur oblivioni hec que secuntur scripto commendare precepi Nouerint presentes et futuri quod propter infidelitatem et intolerabilem seuitiam Giraldi Berlai qua ipse super omnes ecclesias sue potestatis et earum possessiones crudeliter exagitabat castrum Mosterioli gratia dei pereuntem obsedi magnisque expensis et permaximis diuturnisque laboribus predicti castri menia destruxi turrem et uniuersa edificia totius castri penitus eradicavi Giraldum et qui cum eo erant captos retinui Igitur his ita viriliter peractis recognoscens non meis meritis nec mea potestate sed deo agente ad laudem ipsius et ad vindictam malorum operum Giraldi hoc euenisse sano consilio baronum meorum statui ego ipse et duo filii mei Gausfridus et Willelmus ut omnes consuetudines et exactiones quas Giraldus et antecessores illius in obedientia Maironis immiserant radicitus quassa rentur Preterea concessi ut predicta obedientia secundum auctenticum privilegium antecessoris mei Grisa Gonella Gausfridi quieta penitus ab omni consuetudine remaneret retentis tribus tantummodo forfactis que predictus Gauffridus in privilegio suo de terra Sancti Albini retinuit scilicet homicidium raptum incendium Hoc autem totum me fecisse diuina gratia inspirante nouerit uniuersitas ecclesie pro salute solummodo anime mee patris mei et matris mee et omnium antecessorum meorum Si quis autem quod absit ex heredibus meis vel de mea progenie seu cupiditate terreni honoris vel aviditate alicujus pecunie aut per se ipsum aut per suos aut per extraneos contra hanc donationem et confirmationem ut ea infringat aliquo ingenio venire temptaverit in primis iram dei omnipotentis quisquis ille fuerit incurrat et cum Juda traditore dampnationem accipiat et ab hereditate mea alienus existat Actum in capitulo Sancti Albini in presentia Normanni Andecauensis pontificis et Rotberti abbatis Omnium Sanctorum tempore Rotberti Sancti Albini abbatis anno ab incarnatione Domini MCLI indictione XIIII III idus Junii videntibus et audientibus istis Gaufrido et Willelmo filiis meis Gaufrido de Cleeriis Hugone fratre eius Fulchone de Cleeriis Brientio de Martiniaco Warino de Belesmo Gosleno Turonensi Bareio de Saceio Pipino Turonensi et aliis multis de clericis magistro Vasleto archidiacono Gaufrido Bibe vinum Thoma capellano Gausfrido decano Sancti Laudi Petro Fulberti de monachis abbate Rotberto Sancti Albini Guarino priore Willelmo sacrista Johanne elemosinario Mainerio cellerario Theoderico panetario Willelmo Dolensi baiulo totoque conventu de familia monachorum Arraudo Pagano de Alodiis Gaignardo de Sartrino Benedicto famulo Brientio + Signum Gaufridi filii comitis + Signum Willelmi filii comitis + Signum Hainrici ducis Normannorum et comitis Andecavorum Hoc signum feci ego Hainricus et hanc cartam sigilli mei impressione confirmavi coram his testibus Widone de Sabuleio Gaufrido nepote eius Gosleno Turonensi Pipino Turonensi Bonello Gualterio Fraser Eudone summulerio Ego Gaufridus comes Andegavorum hoc concessi in capitulo Sancti Albini et sigilli mei impressione confirmavi
Source (click image below to view full size)
