Charter Document - 03790004
| Charter Number: | 03790004 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1140 - 1143 |
| Date type: | Assigned |
| Resource Link(s): |
|
Charter:
Stephanus rex Angl[orum] episcopo Saresberie et justiciis et vicecomitibus et omnibus baronibus et fidelibus suis francis et anglis de Berchesire salutem Sciatis me concessisse deo et ecclesie Sancte Marie Abbendone et abbati Ingulfo et omnibus abbatibus successoribus suis et monachis ibidem deo servientibus hundredum de Hornimera jure perpetuo tenendum et habendum eis et omnibus successoribus suis in legitima et liberrima potestate sua et justitia sicut Eadwardus rex Anglorum dedit et concessit et per cartam suam confirmavit quam coram me et baronibus meis lectam esse testificor et sicut Willelmus rex avus meus et Henricus avunculus meus dona regis Eadwardi per cartas suas concesserunt et corroboraverunt Et volo et firmiter precipio ut abbas et monachi presentes et futuri predictum hundredum in pace et quiete et honorifice et libere teneant cum omnibus consuetudinibus et quietationibus suis cum quibus melius et honorabilius tenuerunt tempore predictorum regum scilicet quod nullus vicecomes vel eorum ministri inde se quicquam intromittant sed ipsi libere justitiam suam habeant et faciant Testibus Comite Gaufrido et Roberto de Ver et Willelmo de Ipra [et Waltero de Bochelande et Adam de Belnaio et Ricardo de Luci Mainfenin Britone et Hugone de Bolebec] Apud Oxen[eford]
Source (click image below to view full size)
