Charter Document - 03789553

Henricus Dei gratia rex Anglorum et dux Normannie archiepiscopis episcopis abbatibus comitibus baronibus vicecomitibus justitiaris et omnibus ballivis suis salutem Noverit universitas vestra me ad petitionem dilectorum et fidelium meorum Roberti de Grentemaisnil et Roberti de sancto Serenico dicti Geroiani concessisse et hac presenti charta mea confirmasse Garino abbati et monachis sancti Ebrulfi omnes libertates ecclesias decimas redditus homines et terras quas tam ipsi et fideles sui clerici et laici quam etiam progenitores eorum Hugo et Robertus de Grentemaisnil et Willelmus Geroianns de sancto Serenico concedentibus et condonantibus filiis suis et fratribus predicto monasterio donaverunt temporibus Willelmi patris mei illustris regis Anglie et ducis Normannie et meis ipso etiam concedente et confirmante In quibus hec propriis exprimenda duxi vocabulis Electionem videlicet abbatis ejusdem monasterii cum consilio fratrum tantummodo in perpetuum fieri concedo salva tamen regularis discipline ratione id est ut non amicitie aut consanguinitatis aut certe pecunie amor eligentium vota corrumpat Concedo preterea et confirmo eisdem abbati et omnibus monachis sancti Ebrulfi quitantiam passagii et telonei et totius consuetudinis de omni victu suo et vestitu et de omnibus rebus que poterunt affidari esse proprias eorum vel famulorum suorum qui de proprio pane eorum vivunt in omnibus dominiis meis per totam Angliam et Normanniam et maxime in portubus maris et in forestis meis videlicet de Goffer et de Molins et de Maheru de Leons et de Auwi quitantiam pasnagii herbagii omnibus porcis suis per totas predictas forestas et calfagium in eisdem forestis sine liberatione et herbergagium per forestariorum liberationem eisdem monachis apud Molins et apud Nor et apud Nog super Andell et apud Alfay manentibus Concedo etiam eis et confirmo totam villam de Cueleio cum ecclesia et omnibus pertinentiis ejus de donis sepe dictorum Roberti et Hugonis de Grentemaisnil que est feodum unius lorice et aliud feodum lorice de dono Willelmi Geroiani quod est inter Tolchetam et villam que Villaris dicitur et appellatur Bauchenchaium de feodo de Mosterol de quibus predictus Willelmus pater meus cum assensu et voluntate Theoderici abbatis ejusdem loci primi post tempora sancti Ebrulfi et predictorum Roberti et Hugonis de Grentemaisnil et dicti Willelmi Geroiani avunculi eorum predicte abbatie fundatorum baroniam unam constituit ad servitium suum et heredum suorum faciendum in exercitibus et aliis negotiis suis per totam Normanniam ita tamen quod Ric de Cueleio et Baldricus filius Nicholai milites quibus memoratus abbas Theodericus illa duo feoda loricarum in hereditatem de se tenenda donavit cum assensu dicti Willelmo patris mei servitium illud facere tenebuntur quisque pro feodo suo cum equis et armis et cum expensis suis et heredes eorum quando abbas Sancti Ebrulfi a me submonitus fuerit et ipsi ab abbate et habebunt rationabiles tallias pro exercitibus et aliis negotiis meis in Normannie concessas Si vero de servitio illo defecerint et abbas submonitionem suam adversus eos probare poterit in eorum corpora et catalla a me et successoribus meis capietur emenda et abbas relevamenta et placita habebit et alia jura que habent barones Normannie in feodis loricarum suarum Concedo etiam et confirmo de donis patris mei et meis unum vavassorem apud Puppevillam reddentem viginti solidos usualis monete et in Anglie ecclesiam de Nettehan cum omnibus pertinentiis suis et totam villam que vocatur Rauulle cum omnibus pertinentiis suis et omnes libertates et quitantias quas habent in terris suis ceteri barones mei in Anglie et Normannie per totas eleemosynas suas quas habent modo vel habituri sunt Concedo etiam et firmiter precipio ne de aliquibus tenementis suis que modo habent vel habituri sunt coram aliquo seculari judice ponantur in placitum nisi tantummodo in curia mea Possessiones vero quas Robertus et Hugo de Grentemaisnil et Willelmus de sancto Serenico et fratres ejus ac filii et ceteri fideles christiani temporibus patris mei et meis de rebus hereditariis suis predicto monasterio donaverunt vel donaturi sunt has ego auctoritatis mee privilegio firmas et inconcussas esse precipio ut si quis ex adverso veniens ad dampnum prefati monasterii grande aut parvum aliquid machinari temptaverit et mei hujus privilegii chartulam violare presumpserit noscat se mee reum esse majestatis et omne patrimonium suum rebus meis dominicis ascribi debere Ecclesias itaque decimas redditus homines et terras quas concedo et confirmo predicto monasterio ad petitionem predictorum baronum meorum et fidelium suorum clericorum et laicorum ad majorem certitudinem veritatis hac presenti charta mea nominibus propriis inserendas mandavi ecclesiam videlicet de Nuceto cum omnibus decimis suis et manerium prope eam cum hominibus et terris aliisque pertinentiis suis habendum et tenendum per monachos sive per firmarios prout sibi melius viderint expedire Pasturam quoque animalibus de carrucis monachorum seu firmariorum predicti manerii in omnibus herbagiis domini de Grentemaisnil et totam decimam de omni victu et potu ipsius qui ad eamdem villam vel ad Grentemaisnil vel ad castrum ejusdem venerit vel quotiescumque ibi morabitur et medietatem totius ferie de Nuceto et dominicarum ipsius in festivitate sancti Egidii et capellam sancte Trinitatis de castro de Grentemaisnil in qua presbyter de Nuceto ministrabit et deserviet et ejus oblationes habebit et obventiones et quitantiam herbagii et pasnagii monachis et omnibus hominibus famulis vel firmariis in predicto manerio residentibus et plenam decimam de bosco de Grentemaisnil de venditione videlicet et herbagio et haratio et venatione et de omnibus fructibus et obventionibus que ex eo poterunt provenire et totam decimam bidentium arietum et castratorum et denariorum qui habentur de herbagio per totum feodum de Grentemaisnil et de omnibus reditibus de Nuceto et de Grentemaisnil et de castro de censibus preposituris servitiis et omnibus obventionibus et exitibus qui modo in eisdem villis sunt et pertinentiis earum qui in futuris temporibus poterunt provenire et totam decimam fori domini de Grentemaisnil Apud Chevillam duas acras prati ecclesiam de Grentemaisnil cum tota decima ejusdem ville et aliis pertinentiis suis et totam terram presbyteri et quoddam aliud tenementum et sex masuras tangentes cimeterium ejusdem ville Anglicam villam cum ecclesia et decimis et terris et aliis pertinentiis suis Villam que Solengiacus dicitur cum ecclesia et decimis et manerio et hominibus et terris et aliis pertinentiis suis In Olleio Tesronis ecclesiam cum decimis suis et omni beneficio quod tenuit Tescelinus clericus et decimam molendinorum ejusdem ville que habebunt moltam de Solengeio donec abbas sancti Ebrulfi possit habere molendinum apud Solengiacum Ecclesiam de Lovigneio cum omnibus decimis et terris aliisque pertinentiis suis et duos vavassores et quatuor acras terre et duas acras prati in magnis pratis et totam decimam molendinorum et furnorum qui modo in eadem villa et pertinentiis suis sunt vel de novo fient et plenarium decimam de omnibus censibus et firmis et preposituris et servitiis et de reguardis et herbagiis et piscationibus et de omnibus exitibus et obventionibus et de omnibus crementis et emendationibus que in eadem villa et in pertinentiis suis poterunt provenire Apud Saceium duas partes totius decime feodi de Grentemaisnil ecclesiam de Montcalvet cum omnibus decimis bladi et telonei ejusdem ville et totam decimam de censibus et prepositura et nundinis et piscationibus et de aliis reditibus quibuslibet atque servitiis que modo in eadem villa et pertinentiis suis sunt vel esse poterunt et totam decimam molendini et de parco et de forestis ejusdem ville de venditione videlicet et pasnagio et herbagio et haratio et venatione et de omnibus fructibus et obventionibus et crementis que ex eis et in eis poterunt provenire etiamsi ad agriculturam redacte fuerint et in eadem villa unam carrucatam terre quam dedit Robertus de Grentemaisnil in die dedicationis sancti Ebrulfi Ecclesiam sancti Petri inter Montes cum omnibus decimis et feria et terris aliisque pertinentiis suis Apud Barou duas partes decime totius feodi de Grentemaisnil Apud Abbavillam duas partes totius decime vavassorum Ernaldi de Corlibof et domini de valle Loiarum excepto feodo uno In feodo Landonis et in feodo domini de Barou quod ad Grentemaisnil pertinet duas partes totius decime Apud Murchenc et in tota parochia de Mosterol duas partes totius decime feodi de Grentemaisnil Apud Olivet totam decimam molendini Apud Chesneium et in tota parochia de Mesnil Renuart duas partes totius decime feodi de Grentemaisnil Apud Belmesium totam decimam magni molendini Ecclesiam sancti Gervasii de Purveleio cum capella sancti Blasii et decimis et terris aliisque pertinentiis suis Ecclesiam sancti Gervasii de Chatefaveril cum dimidia decima Apud Gaipre et Buignam et apud Colunces duas partes totius decime feodi de Grentemaisnil et tota decima molendini de Buigna Apud Montabal totam ecclesiam cum decimis et terris aliisque pertinentiis suis Apud Vilers le Cales quasdam terras et homines in ipsis manentes Apud O ecclesiam cum decimis et terris aliisque pertinentiis suis et homines plures et decimam molendini ejusdem ville Apud Foge ecclesiam cum pertinentiis suis et decimam haie ejusdem ville de venditione et pasnagio et venatione et de omnibus fructibus et obventionibus que ex ea et in ea poterunt provenire etiam si ad agriculturam redacta fuerint Ecclesiam de Noer Mainart cum omnibus decimis suis ipsam quoque villam cum omnibus pertinentiis suis Villam que vetus Maisnil dicitur cum omnibus pertinentiis suis Apud boscum Roberti ecclesiam cum omnibus decimis suis et pertinentiis suis et ibidem quasdam terras Ecclesiam de Linbof cum tota decima feodi de Grentemaisnil Villas que Maisnil Bernart et Tanesia dicuntur cum terris et hominibus aliisque pertinentiis suis et decimis earum et in parochia sancti Martini le Hugon quandam vavassoriam que Mesnil Dode dicitur De donis vero Willelmi Geroiani et successorum ejus atque fidelium hominum suorum clericorum et laicorum petente Roberto Geroiano concedo et confirmo predicto monasterio in puram liberam et quietam eleemosynam ecclesiam sancti Andree de Escalfo cum quatuor capellis suis de sancta Maria de sancto Laurentio de sancto Martino et de sancto Germano cum decimis et terris aliisque pertinentiis suis et decimam totius prepositure et omnium exitum et redituum qui modo sunt vel qui provenire ex eadem villa poterunt et pertinentiis suis decimam quoque totius foreste ejusdem ville de omnibus pasnagiis de tota venditione venatione haratio et herbagio et de omnibus fructibus et eventibus qui sunt vel ex ea provenire poterunt etiam si ad cultum venerit et herbagium et pasnagium ad porcos et ad alia animalia monachorum in eadem foresta Ipsam quoque forestam ad usum suum et domorum et ecclesiarum eorum edificationem et manerii de Veterii Mesnilio ad necessaria omnia de vivo scilicet bosco absque omni liberatione forestariorum et contradictione alicujus Apud sanctum Andream vavassoriam unam cum pertinentiis suis cum feodo de Rocheio et de Nigra aqua Apud Susseriam vavassoriam unam cum pertinentiis suis et vavassoriam de Doito Moessu cum omnibus pertinentiis suis et decimam molendini de Alneto et molendini de Logis Apud Velmesnil et alibi in parochia sancti Andree pluris hospites Apud Belfai duas partes quarumdam decimarum et hospitem unum Ecclesiam Sancti Petri de Nidis cum decimis terris aliisque pertinentiis suis Apud sanctum Serenicum ecclesiam cum omnibus pertinentiis suis habendam in proprios usus et decimam annone et vinearum lini canabi et leguminum et omnium molendinorum que modo sunt vel esse poterunt in eadem villa et omnium redituum qui sunt vel qui provenire ex eadem villa poterunt de furnis de foro et teloneo habendam unaquaque hebdomada in die Dominico monachis ibidem commorantibus vel famulis suis et piscationem in aqua quantum durat terra monachorum ex utraque parte aque ad placitum suum et manerium suum juxta ecclesiam cum vineis et terris et pratis aliisque pertinentiis suis Apud Raddum de concessione et assensu comitis Willelmi ecclesiam cum decimis et aliis pertinentiis suis et terras et homines plures in eadem villa Ecclesiam de Alta ripa cum decimis et manerio et terris et pratis aliisque pertinentiis suis Ecclesiam de Bauquech cum decimis et terris aliisque pertinentiis suis et decimis molendini et dominicarum totius ejusdem ville Apud sanctum Nicolaum ecclesiam cum omnibus pertinentiis suis et dominicarum ejusdem ville et feriam unam in festo sancti Nicolai Apud Sanctum Martinum le Hugon ecclesiam cum decimis et terris aliisque pertinentiis suis et decimam molendini ejusdem ville maneriumque de Tileia cum omnibus pertinentiis suis Ecclesiam de Sancto Andree cum decimis et terris aliisque pertinentiis suis decimam quoque molendini ejusdem ville In parochia Sancti Germani de Alneio duas partes decime totius feodi Croc et Roberti de Mesnil Rainart Ecclesiam de Ternant cum decimis et terris aliisque pertinentiis suis et medietatem molendini ejusdem ville Ecclesiam de Mornaio cum decimis et terris aliisque pertinentiis suis Ecclesiam de Essart cum decimis et terris et aliis pertinentiis suis et ibidem vavassoriam unam Ecclesias sancti Pauli et sancte Marie de Vernutiis cum manerio et decimis et terris et aliis pertinentiis suis et eorum molendinis ejusdem ville cum omnibus pertinentiis suis Capellam quoque de bosco Huberti cum decimis et terris aliisque pertinentiis suis Ecclesiam de Augerum cum decimis et terris aliisque pertinentiis suis Ecclesiam de Mosterol cum decimis bladi et prepositure furnosque ejusdem ville et terras et homines plures in eadem villa et decimam omnium redituum qui modo sunt vel qui in omnibus exitibus et reditibus ejusdem ville poterunt provenire Ecclesiam sancti Laurentii de Chesneduit cum decimis et terris aliisque pertinentiis suis Ecclesiam de Gulafreria cum decimis et terris aliisque pertinentiis suis Ecclesiam Sancti Leodegarii de Revilla cum decimis et terris aliisque pertinentiis suis Apud villam Pelee duas partes decime ejusdem ville Ecclesias de Magno Sapo cum decimis et terris et aliis pertinentiis suis et decimam stallorum et totius prepositure et omnium exitum et redituum qui modo in eadem villa sunt vel esse poterunt et in eadem villa terras et homines plures et decimam molendini de Novilla Ad petitionem dilecti mei Ranulfi comitis Cestrensis concedo et confirmo eisdem monachis ecclesiam de Bifeclt cum omnibus pertinentiis suis et unam carrucatam terre In parva Pilardeutona unam hidam terre et decimam de Brichella et ibidem unum rusticum et decimam de Sanleia in Bochingeham sita Villam que Cherchebeia dicitur cum duabus ecclesiis ad eamdem villam pertinentibus de donis Roberti de Roelento et ecclesiam de Damblenvilla cum omnibus pertinentiis ejus et decimam molendini ejusdem ville Apud Merstonam ecclesiam cum tota decima et octo hospitibus et ibidem duas carrucatas terre Apud Cestram ecclesiam sancti Petri de Mercato et tres burgenses Apud Stantonam totam decimam garbarum agnorum et porcorum decimam quoque de Forefort et Oxecunde et decimam Brisardi de Lindissi cum decima terre Rogerii de Millaio Ecclesiam de Croissilla cum omnibus pertinentiis suis Ecclesiam quoque de Orgeriis cum omnibus pertinentiis suis Ecclesiam de Tolqueta cum omnibus pertinentiis suis Ecclesiam sancti Petri de Tarentana cum omnibus pertinentiis suis de dono Goit Concedo etiam et confirmo eisdem monachis ad petitionem dilecti et fidelis mei Willelmi Pautol prioratum sancti Petri de Nor cum manerio et nemore et plesseiceto et hominibus et terris et pratis aliisque pertinentiis suis et ecclesiam sancti Cyrici cum decimis et terris aliisque pertinentiis suis et medietatem molendini ejusdem ville cum molta et totum molendinum de Helmet Apud Auberyle Pautol duas partes decime de feodo ejusdem Willelmi et unam vavassoriam ad fossas Ecclesiam de Flinevilla cum omnibus decimis et terris aliisque pertinentiis suis et in eadem villa unum hospitem In Anglie manerium quod dicitur Braitona et totum molendinum et ecclesiam ejusdem ville cum capellis suis et omnibus decimis et hominibus et terris aliisque pertinentiis suis Apud Estoui de donis domini de Coluncis ecclesias duas ejusdem ville scilicet ecclesiam sancti Martini et sancti Georgii et consentiente et petente Roberto de Corceio et totam decimam molendini de Roureio quod ad dominum de Coluncis pertinet Item de donis Ernaudi Geroiani totam terram que est inter Tolchetam et Carentonam que est de feodo Escalfoii quam dedit Theodericus abbas Baldrico filio Nicholai tenendam de se per servitium unum vavassoris quotiens habere voluerit cum nemore Baldrici et medietate molendinorum sancti Ebrulfi excepta molta que est ultra Carentonam in feodo Britolii et molta septem hominum quos quidam milites tenent de abbate in villa sancti Ebrulfi Et de donis Willelmi de Molins et Alberede uxoris ejus et fidelium suorum ecclesiam sancti Laurentii cum manerio et hominibus et terris et pratis aliisque pertinentiis suis et in forestis de Molins et de Maheru et de Bomnolins et in Brolio calfagium monachis apud Sanctum Laurentium morantibus de mortuo bosco et de branchiis et de falcatis arboribus sine forestariorum liberatione et herbergagium de vivo bosco per forestariorum liberationem sine omni contradictione et quietantiam pasnagii et unam fagum ad Nat[ale] Domini [] Habent milites de feodo de Molins et ecclesiam Beate Marie de Bomnolins cum omnibus pertinentiis suis et decimam molendinorum et furnorum ejusdem ville ecclesiam de Maheru cum omnibus pertinentiis suis et virgulto et terra presbyteri et cultura una quatuor acrarum prope crucem bussatam et decimam omnium molendinorum ejusdem ville et decimam panis domini de Falandriis et domini de Sancto Aniano monachis de Molins et unam carucatam de feno in pratis Domini de sancto Aniano et totam decimam totius nemoris de Falandriis de pasnagio et venatione et de agricultura si qua fuerit in eo facta et in parochia de Maheru terras et homines plures ad monachos de Molins pertinentes Apud sanctum Aquilinum duas partes totius decime feodi Hairon domini de Grimoneria et in parochia de Ferreria duas partes totius decime de feodo ejusdem Hairon et totius feodi Hugonis de Ferreria et Willelmi de sancta Columba et domini de Val Ferman quod est juxta domum Harcheng et totius feodi forestariorum quod habent apud Augesiam Et in parochia sancti Hilarii quasdam decimas et homines plures Ecclesias de sancta Columba et de Gaubruge cum omnibus pertinentiis suis et terras et homines plures et de donis dominorum de Aspris et Hugonis de Ferreria totum molendinum Heroldi cum tota villa que Herolderia dicitur et pertinentiis suis et tota molta domini de Grimoneria et Hugonis de Ferreria et Willelmi et Gisleberti de Aspris tam de dominiis quam de omnibus hominibus suis Item apud Bomnolins duos hospites juxta ecclesiam et medietatem decime molendini de Sarta Concedo preterea et confirmo ut omnes homines quos abbas et monachi sancti Ebrulfi habent vel habituri sunt in villis de Molins et de Bomnolins et in tota ballia de Molins liberi sint et quieti ab omnibus consuetudinibus et teloniis talliis et auxiliis carragiis muragiis fosacis avenagiis et guardis et omnibus aliis terrenis districtionibus ad me et ad dominos de Molins et de Bomnolins et homines suos pertinentibus Volo etiam et firmiter precipio ut dicti abbas et monachi in eisdem hominibus et in omnibus terris suis in eadem ballia habeant quidquid in eis ego et domini de Molins habebamus in omnibus rebus et exitibus et obventionibus exceptis placitis de Spata In parochia de Planteit quasdam decimas et terras et unum pratum In parochia de Villers prope Balchench quasdam decimas In foresta de Conch quitanciam ad centum porcos conventus sancti Ebrulfi et ad omnes porcos manerii sui de Garnenvilla de omni pasnagio quam ipsis donavit in presentia mea Rad de Toeneio et in forestis de Scopis de Blavio de Persegnia et de Bursa et de Almanesch et de Gofer et de Montgomeri quitantiam totius pasnagii ad omnes porcos sancti Ebrulfi et manerii sui de Alta ripa et calfagium et herbagium monachis et aliis hominibus in predicto manerio residentibus et quitantias in predictis forestis et consuetudines omnibus hominibus suis de sancto Martino et parochia ejus tales quales in eis habent burgenses de Alta ripa et sexaginta solidos ad luminaria sancti Ebrulfi in feria de Alenchon in Quadragesima percipiendos et quitantiam passagii et telonei et totius consuetudinis de omni victu et vestitu monachorum sancti Ebrulfi et de omnibus rebus quas affidari poterunt esse proprias eorum vel famulorum suorum qui proprio eorum pane vivunt per totam terram Willelmi comitis Pontivii quas eis in presentia mea donavit Decimam quoque duorum molendinorum de Genevria de donis dominorum ejusdem ville et totam ecclesiam de Neaffa cum omnibus decimis et terris aliisque pertinentiis suis Ecclesias quoque de sancta Eugenia et de Mesdavi cum capella sancte Marie de Tiron cum omnibus pertinentiis earum de donis dominorum de Mesdavi Hanc autem donationis et confirmationis mee chartam ego Henricus Dei gratia rex Anglie et dux Normannie scribi feci et sigillo meo muniri in generali colloquio meo quod habui apud Rothomagum cum archiepiscopis episcopis abbatibus comitibus et baronibus aliisque fidelibus meis Anglie et Normannie quod fuit anno Domini millesimo centesimo vigesimo octavo mense Novemb et eam manibus Rothomagensis archiepisc et episcoporum atque abbatum Normannie sub excommunicatione confirmandam tradidi ut nulli omnino hominum liceat prefatum monasterium super hiis omnibus que hac presenti charta mea cum consensu donatorum et successorum suorum confirmavi temere perturbare aut ejus possessiones auferre sed volo firmiterque precipio ut supra scripta omnia integra conserventur eorum pro quorum gubernatione et sustentatione concessa sunt et donata usibus omnimodis profutura Si quis vero in futurum hanc nostre confirmationis paginam sciens eam infringere presumserit auctoritate Dei omnipotentis et Rothomagensis archiepiscopi et suffraganeorum suorum se noverit excommunicatum T[estibus] Goeffredo Rothomag archiepiscopo et omnibus suffraganeis suis Willelmo comite Pontivi Nigello de Aubigneio Roberto de Grentemaisnil Roberto Geroiano de sancto Serenico Patricio de Cahorcis Goel de Jureio Willelmo de Sacio Willelmo Bigot Galterio de Vernone Roberto regis filio et aliis multis