Charter Document - 03789388
| Charter Number: | 03789388 |
|---|---|
| Cartulary Title: | Regesta Henrici Primi, 1100-1135 [Westminster] |
| Charter Language: | English |
| Charter Origin: | Royal |
| Charter Type(s): | Notification |
| Date: | 1123 |
| Date type: | Assigned |
| Resource Link(s): |
|
Charter:
H þurh godesgeuu Ænglelandes kyning grete ealle mine bissceopes and ealle mine eorles and ealle mine scirgereuan and ealle mine ðegenas frencisce and englisce on þam sciran þe Willelm ærcebiscop and se hired æt Christescircean on Cantwaraberig habbað land inne freondlice and ic cyðe eow þæt ic habbe heom geunnon þæt hi bion ælc þara lande wurðe þe hi hefdon on Eadwordes kynges dæge mines mæges and on Willelmes kynges dæge mines fæder and saca and socne on strande and on streame on wudan and on feldan tolnes and teames griðbreces and hamsocne forestealles and infangenes þeofes and flæmene fermðe ofer here agene mæn binnon burgan and buton swa full and swa forð swa mine agene wicnæres hit secan sceoldon and ofer swa fela þegena swa ic heom to gelæten habbe and ic nelle þæt ænig man ænig þing þer on tyo buton hi and heora wicneres þe hi hit betæcen willað ne fræncisce ne Ænglisce for þan þingan þe ic habbe Christe þas gerihte forgefen minre sawle to æcere alysednesse eal swa Eadward kyning and min fæder ær hæfdon and ic nelle geþafian þæt ænig man þis to brece be minan fullan freondscipe God eow gehealde