Charter Document - 03781948
Charter Number: | 03781948 |
---|---|
Cartulary Title: | Regesta Henrici Primi, 1100-1135 [Westminster] |
Charter Language: | Latin |
Charter Origin: | Royal |
Charter Type(s): | Notification |
Date: | 1130 - 1135 |
Date type: | Assigned |
Resource Link(s): |
|
Charter:
H[enricus] rex Angl[orum] et dux Normannorum episcopo Constanciensi et iusticiis et uicecomitibus et baronibus salutem Sciatis quod ego do et concedo et hac mea carta confirmo omnia dona et elemosinas quas W[illelmus] pater meus rex dedit deo et ecclesie beati Martini Maioris Monasterii et ex que alii antecessores mei eidem ecclesie dederunt In primis totum dominium quod antecessores mei habuerunt in manerio de Heauuilla et terciam partem Touffreuilla quartam partem Bueuille cum ecclesia eiusdem uille et omnibus pertinenciis suis et septem partes de Helleuilla et ecclesiam cum pertinenciis suis et duas partes de Quetheuilla et linguam integram balene que capitur in Constantino et omnes tenuras Ranulphi presbiteri quas ipse concessit presbiteris mei[s] Maioris Monasterii dedit scilicet dimidiam ecclesiam de Podiis cum pertinenciis suis et dimidium de Estoubeuilla et Grisetot et omnes alias tenuras suas et ecclesias de insula de Guernezeio ecclesiam Sancti Petri de Portu et quoddam molendinum in cimiterio eiusdem ecclesie et ecclesiam Sancti Sansonis ecclesiam de la Belouse ecclesiam Sancti Trinitatis de Foresta ecclesiam de Tortaualle et ecclesiam Sancti Andree Hec omnia sicut scripa huismodi sunt precipio ut monachi Maioris Monasterii qui apud Heauuillam teneant et possideant bene et in pace quiete et libere Volo et precipio ut monachi predicti in forestis meis de Constantino centum porcos quietos de panagio habeant et capiant de ipsis forestis meis ad focum et ad ecclesiam et ceterea edificia sua edificandum et sustinendum Testibus Iohanne episcopo Luxouiensi Audieno episcopo Ebroicensi Pagano de Clara Valle [] Apud Rothomagum