Charter Document - 03781928
| Charter Number: | 03781928 |
|---|---|
| Cartulary Title: | Regesta Henrici Primi, 1100-1135 [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1100 - 1135 |
| Date type: | Assigned |
| Resource Link(s): |
|
Charter:
H[enricus] rex Anglorum archiepiscopis episcopis abbatibus comitibus uicecomitibus baronibus et omnibus fidelibus suis francis et anglis totius Anglie et Normannie salutem Sciatis me dedisse et concessisse abbatie sancte Trinitatis de Cadomo et sanctimonialibus ibidem deo seruientibus maneria uidelicet Hantoniam Auelingis et Penneberiam in comitatu de Glouecestra et Feldestede et decimam de Tolosona reddentem per annum x et xviii solidos quod Guillelmus de Plaisseio dedit sancte Trinitati Cadomi pro nepte sua ibidem monaca facta in comitatu de Essessa et Horstedam in Norfolca et Tarentam in comitatu de Dorsetha et Tehouesiam in Wiltesira Et uolo et firmiter precipio quod bene et in pace et honorifice et quiete teneant cum socha et sacha tol et thiem et infangenetief et cum omnibus consuetudinibus et quietationibus et libertatibus ad maneria pertinentibus in boscho et plano et infra burgum et extra et in aquis et in mariscis et fanguentheio cum quibus pater meus Guillelmus rex Anglorum et Guillelmus rex frater meus et ego ipse melius et quietius et liberius tenuimus cum eadem maneria essent in nostro dominio ea uidelicet condicione ut si quis temerario ausu persistendo aliquid surripere temptauerit anathema factus orthodoxorum communitate careat iramque dei omnipotentis incurrat