Charter Document - 03781912
| Charter Number: | 03781912 |
|---|---|
| Cartulary Title: | Regesta Henrici Primi, 1100-1135 [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1135 |
| Date type: | Assigned |
| Resource Link(s): |
|
Charter:
Henricus dei gratia rex Anglie episcopo Exoniensi et uicecomiti et Alueredo de Totnes et omnibus baronibus et fidelibus suis francis et anglis de Deuonshire salutem Sciatis me donasse et firmiter concessisse deo et sancto Petro de Cluniaco et beatissimo Martino de Campis ecclesiam sancte Marie Magdalene de Barnestapla cum omnibus appendiciis suis sicut uenerabilis memorie Iohel et alii fideles Christi pro statu et incolumitate regni mei et pro salute anime mee et patris et matris mee et Mathildis regine uxoris mee et Willelmi filii mei et predecessorum et antecessorum meorum Et uolo et firmiter precipio quod bene et in pace et honorifice et libere teneant unam uirgatam terre de Piltona cum luto et aquis et pratis et alteram uirgatam de Pillanda et lutum et molendinum de Barnestapla cum multura totius castelli et alteram uirgatam de Kunelanda et unum ferlingum terre de Cerchilla et unum ferlingum terre de Cokosleg et unum ferlingum de Witefelda cum luto et quinque solidos de molendino de Almondesworde et quinque solidos quos Henricus de Soratona dedit et duos solidos de molendino de Langatun Et sciatis me clamasse quietam totam supradictam terram de omnibus geldis et danegeldis et hidagiis et placitis et auxiliis et omnibus consuetudinibus cum socca et sacca et toll et teme et uiis et semitis Testibus Iohanne episcopo Lexouiensi Roberto de Sigillo Roberto comite de Gloucestr et [Henrico] comite de Auco Baldwino de Redueriis Willielmo filio Odonis Willielmo de Vernun Ilberto de Lacy Roberto de Curcy Apud Pirarios